BAKI,VOA,Yusif Şərifzadə
ABŞ–İran memorandumuna dair müzakirələr davam edərkən Livandakı vəziyyət yenidən gərginlik yaradıb.
VOA xəbər verir ki, İran rəsmiləri ümumilikdə razılaşmaya müsbət yanaşsalar da, Livan məsələsinə sərt reaksiya veriblər.
Məlumata görə, İran tərəfi İsrailin Livanda davam edən hərbi əməliyyatlarını ciddi narahatlıqla qarşılayır.
Tehran bildirir ki, Livanla bağlı atəşkəs razılaşmanın tərkib hissəsidir.
İran rəsmilərinin fikrincə, İsrailin hücumları davam edərsə, bu, atəşkəsin pozulması deməkdir.
Onlar xəbərdarlıq edirlər ki, bu vəziyyət imzalanma prosesinə ciddi təsir göstərə bilər.
Bildirilib ki, Livandakı hərbi əməliyyatlar razılaşmanın birinci mərhələsinin icrasını çətinləşdirir.
İran tərəfi hətta prosesin uğursuzluqla nəticələnə biləcəyini istisna etmir.