BAKI,VOA, Fərid Mikayılov
İran ABŞ prezidenti Donald Trampın ölkənin zənginləşdirilmiş uranının ABŞ-yə daşınacağı ilə bağlı iddialarını təkzib edib.
VOA xəbər verir ki, İran Xarici İşlər Nazirliyinin sözçüsü İsmayıl Bəqai televiziya proqramında çıxışı zamanı bildirib ki, bu məsələ nə gündəmdədir, nə də müzakirə mövzusu kimi irəli sürülüb.
Onun sözlərinə görə, zənginləşdirilmiş uran İran üçün strateji və həssas məsələdir.
“İranın zənginləşdirilmiş uranı heç bir şəkildə başqa bir yerə daşınmayacaq”- deyə o bildirib.
Sözçü vurğulayıb ki, uranın ölkə xaricinə çıxarılması məsələsi danışıqlar masasında yer almır və rəsmi Tehran tərəfindən belə bir variant nəzərdən keçirilməyib.
Qeyd edək ki, daha əvvəl Donald Tramp İranın “demək olar ki, bütün məsələlər üzrə razılığa gəldiyini” və zənginləşdirilmiş uranın çıxarılması üçün ABŞ ilə əməkdaşlıq edəcəyini iddia etmişdi. O bildirmişdi ki, ABŞ və İran nümayəndələri birlikdə çalışaraq uranı ölkədən çıxaracaq və sonradan ABŞ-yə aparacaqlar.