BAKI,VOA,Yusif Şərifzadə

İranın xarici işlər naziri Abbas Əraqçi Qətərin Baş naziri və xarici işlər naziri Şeyx Məhəmməd bin Əbdürrəhman bin Casim Al Tani ilə telefon danışığı aparıb. Tərəflər bölgədə gərginliyin daha da artmasının qarşısının alınması üçün diplomatik imkanlardan istifadə edilməsinin vacibliyini müzakirə ediblər.

VOA xəbər verir ki, İran Xarici İşlər Nazirliyinin yaydığı açıqlamaya əsasən, telefon danışığı zamanı bölgədə baş verən son hadisələr ətrafında fikir mübadiləsi aparılıb.

Abbas Əraqçi və Şeyx Məhəmməd bin Əbdürrəhman bin Casim Al Tani mövcud gərginliyin daha da kəskinləşməsinin qarşısını almaq üçün diplomatik vasitələrdən geniş istifadə olunmasının əhəmiyyətini vurğulayıblar.

Tərəflər bölgədə sabitliyin qorunması məqsədilə Tehran və Doha arasında məsləhətləşmələrin və qarşılıqlı əlaqələndirmənin davam etdirilməsinin vacibliyini qeyd ediblər.

Telefon danışığında mövcud fikir ayrılıqlarının diplomatik yollarla həllinə üstünlük verilməsinin bölgədə yeni qarşıdurmaların qarşısının alınmasına töhfə verə biləcəyi bildirilib.

İran və Qətər rəsmiləri bölgədəki vəziyyətlə bağlı təmasların davam etdirilməsi barədə razılığa gəliblər.