BAKI,VOA, Nailə Babazadə
Pakistanın Baş Qərargah rəisi marşal Asim Munirin rəhbərlik etdiyi nümayəndə heyətinin ABŞ-ın ismarışını çatdırmaq və iki ölkə arasında danışıqların ikinci raundunu planlaşdırmaq məqsədilə İrana yola düşdüyü bildirilib.
VOA xəbər verir ki, İranın "Mehr" xəbər agentliyinin məlumatına görə Pakistanın yüksək rütbəli hərbi heyəti artıq İslamabaddan Tehrana hərəkət edib.
Pakistan nümayəndə heyətinin səfər çərçivəsində ABŞ-ın mesajını İran tərəfinə təqdim edəcəyi və Tehran ilə Vaşinqton arasında keçirilməsi nəzərdə tutulan növbəti görüşlərlə bağlı məsləhətləşmələr aparacağı qeyd olunub. Tehrana gələcək nümayəndə heyətini İranın Xarici İşlər naziri Abbas Əraqçinin qarşılayacağı gözlənilir.