BAKI,VOA, Fərid Mikayılov
Türkiyə Prezidenti Rəcəb Tayyib Ərdoğan Pakistan Silahlı Qüvvələrinin komandanı və Quru Qoşunlarının rəhbəri marşal Seyid Asim Müniri qəbul edib.
VOA xəbər verir ki, Ankara hava limanında baş tutan görüş mətbuata qapalı keçirilib.
Görüşdə Türkiyə Prezidentinin müavini Cevdet Yılmaz, Baş Qərargah rəisi ordu generalı Səlcuq Bayraktaroğlu və Milli Kəşfiyyat Təşkilatının (MİT) rəhbəri İbrahim Kalın da iştirak edib.
Görüşün detalları açıqlanmasa da, Türkiyə və Pakistan arasında müdafiə, təhlükəsizlik və hərbi əməkdaşlıq məsələlərinin müzakirə olunduğu ehtimal edilir.
Türkiyə və Pakistan son illərdə müdafiə sənayesi, hərbi təlimlər və regional təhlükəsizlik sahələrində əməkdaşlığı genişləndirən strateji tərəfdaş ölkələr kimi çıxış edir.