BAKI, VOA, Fərid Mikayılov
İranın Moskvadakı səfiri Müctəba Xamenei ilə bağlı yayılan iddiaları təkzib edib.
VOA xəbər verir ki, İranın Rusiyadakı səfiri Kazım Cəlali ölkənin yeni lideri Müctəba Xameneinin müalicə üçün Rusiyaya gətirildiyi barədə xəbərlərin həqiqəti əks etdirmədiyini bildirib.
Səfir sosial şəbəkə hesabında paylaşdığı açıqlamada bu məlumatları “psixoloji müharibənin tərkib hissəsi” adlandırıb.
Cəlali qeyd edib ki, İran rəhbərliyinin gizlənməsinə ehtiyac yoxdur və onların yeri xalqın arasındadır. O, yayılan məlumatların dezinformasiya xarakteri daşıdığını vurğulayıb.
Qeyd edək ki, bundan əvvəl Küveyt mediasında Müctəba Xameneinin gizli şəkildə Moskvaya aparıldığı barədə iddialar yayılmışdı.