BAKI,VOA, Fərid Mikayılov

Türkiyə Respublikasının Prezidenti Rəcəb Tayyib Ərdoğan Yaponiyanın Baş naziri Sanae Takaiçi ilə telefon vasitəsilə danışıb.

VOA xəbər verir ki, Türkiyə Prezident Administrasiyasının Kommunikasiya İdarəsindən verilən məlumata görə, liderlər iki ölkə arasındakı ikitərəfli əlaqələrlə yanaşı, regional və qlobal miqyaslı mühüm məsələləri ətraflı şəkildə nəzərdən keçiriblər.

Görüş zamanı Prezident Ərdoğan Türkiyə ilə Yaponiya arasında başda müdafiə sənayesi, investisiya və ticarət sahələri olmaqla, bütün istiqamətlərdə əməkdaşlığın daha da dərinləşdirilməsi üçün səylərin aramsız davam etdiriləcəyini vurğulayıb.

Telefon söhbəti zamanı regional təhlükəsizlik məsələlərinə toxunan Türkiyə lideri, İran ilə ABŞ arasında yaşanan gərginliyin və qarşıdurmaların yeganə həll yolunun dialoq və dinc müzakirələr olduğunu bildirib. O, bölgədə qalıcı sülhün və sabitliyin bərqərar olması üçün diplomatik təşəbbüslərə hər zaman dəstək verməyə hazır olduqlarını qeyd edib.

Bundan əlavə, Prezident Ərdoğan keçən ay Yaponiyanın Kumamoto prefekturasında meydana gələn zəlzələdə insan tələfatı ilə bağlı Baş nazir Sanae Takaiçiyə və Yaponiya xalqına bir daha dərin hüznlə başsağlığı diləklərini çatdırıb.