BAKI, AzerVoice
İsrailin atdığı addımlar regional sülhü təhdid edir.
AzerVoice xəbər verir ki, bunu Türkiyə Prezidenti Rəcəb Tayyib Ərdoğan Niderlandın Haaqa şəhərində keçirilən NATO Sammitində İsrailli jurnalistin verdiyi sualı cavablandırarkən deyib.
"Hazırda İsrail ilə Türkiyə arasındakı münasibətlər belə davam edərsə, aramızda sülhün təmin olunması mümkün deyil. Qəzzada 100 mindən çox insan ölüb və yaralanıb. Buna baxmayaraq, İsrail hələ də hücumlarını davam etdirir. Qəzzada günahsız insanlara ərzaq yardımı edilmir. Buna mane olan tərəf İsraildir" - deyə, Ərdoğan bildirib.
"Bu qədər vəhşicəsinə addımlar atıldığı halda, biz onlarla necə dinc və sabit bir mühit yarada bilərik? Bu, mümkün deyil. Biz İsraili Qəzzada törətdiyi bu qətliamdan əl çəkməyə çağırırıq" - deyə, o əlavə edib.