Türkiyədə FETÖ-nün dövlət strukturlarındakı fəaliyyətinə qarşı yeni əməliyyat başlayıb. Bildirilir ki, Milli Kəşfiyyat Təşkilatı və polis orqanlarının koordinasiyalı fəaliyyəti nəticəsində şübhəlilərin “ByLock” proqramından istifadə etdiyi, eləcə də ankesor və konturlu telefon xətləri vasitəsilə ardıcıl əlaqə qurduğu üzə çıxıb.
Türk Dövlətləri
Gürcüstan Türkmənistandan neft idxalını genişləndirmək və emal imkanlarını artırmaq istiqamətində yeni mərhələyə qədəm qoyur. Şirkətin rəhbərliyi yaxın aylarda Türkmən neftinin tədarükü ilə bağlı razılaşmaların əldə olunduğunu açıqlayıb. Azərbaycan ərazisi üzərindən keçən logistika marşrutlarının koordinasiyası artıq yekun mərhələdədir və yaxın vaxtlarda müntəzəm daşımaların başlanacağı gözlənilir.
Türkiyə sabah 5G texnologiyasına keçid prosesinə start verəcək. Onun sözlərinə görə, “Türkiyə Yüzyılı” çərçivəsində kommunikasiya sahəsində güclü, təhlükəsiz və müstəqil sistemin qurulması prioritet hesab olunur. Bu istiqamətdə 5G texnologiyası məlumatın sürətli, təhlükəsiz və fasiləsiz ötürülməsini təmin edən əsas infrastruktur kimi önə çıxır.
Türkiyə martın 30-da qeyd olunan Beynəlxalq Sıfır Tullantı Günü çərçivəsində qlobal ekoloji hərəkatın mərkəzi qərargahı kimi çıxış edib. Ölkənin birinci xanımı Əminə Ərdoğanın rəhbərliyi ilə təxminən on il əvvəl başladılan bu təşəbbüs yerli təkrar emal layihəsindən beynəlxalq proqrama çevrilərək geniş vüsət alıb. Layihənin icrasına başlanılan 2017-ci ildən bu yana Türkiyə 90 milyon ton tullantını təkrar emal edərək iqtisadi dövriyyəyə qaytarıb ki, bu da ölkə iqtisadiyyatına 365 milyard türk lirəsi məbləğində xeyir verib. Statisitik məlumatlara görə, tullantıların təkrar emalı səviyyəsi 2017-ci ildəki 13 faizdən 2025-ci ildə 37,53 faizə yüksəlib. Rəsmi Ankara bu göstəricini 2035-ci ilə qədər 60 faizə, 2053-cü ilə qədər isə 70 faizə çatdırmağı hədəfləyir.
Şahbaz Şərif sosial media hesabında paylaşdığı açıqlamada bildirib ki, Pakistanın paytaxtı İslamabadda keçirilən görüşdə iştirak edən Türkiyənin xarici işlər naziri Hakan Fidan, Misirin xarici işlər naziri Bədr Əbdülati və Səudiyyə Ərəbistanının xarici işlər naziri Feysəl bin Fərhanı qəbul etməkdən məmnun olub.
Türkiyənin Dezinformasiya ilə Mübarizə Mərkəzi sosial mediada yayılan bəzi iddiaların həqiqəti əks etdirmədiyini açıqlayıb. Rəsmi açıqlamada Türkiyənin İranın lehinə müharibəyə qoşulacağı və ya Livana hərbi müdaxilə edəcəyi barədə yayılan məlumatların dezinformasiya xarakterli olduğu bildirilib. Qeyd olunub ki, Türkiyə münaqişənin başlanğıcından etibarən tərəf olmadığını bəyan edib və bu mövqeyini qorumaqda davam edir. Bildirilib ki, ölkə rəhbərliyi hücumların tezliklə dayandırılması, müharibənin genişlənməsinin qarşısının alınması və davamlı sülhün təmin olunması üçün aktiv diplomatik fəaliyyət aparır.
Türkiyənin İstanbul şəhərində yerləşən Kuzey Marmara magistralının Arnavutköy istiqamətində zəncirvari yol qəzası baş verib. Hadisə Başakşehir ərazisində, Fenertepe məntəqəsi yaxınlığında qeydə alınıb. Məlumata görə, hadisə yerinə dərhal çoxsaylı xilasedici, tibbi və hüquq-mühafizə orqanlarının əməkdaşları cəlb olunub. Polis əməkdaşlarını daşıyan xidmət avtomobilin qəza etməsi nəticəsində bir polis əməkdaşı həlak olub, daha 16 polis əməkdaşı müxtəlif dərəcəli xəsarətlər alıb.
İstanbul Respublika Baş Prokurorluğu tərəfindən aparılan korrupsiya və rüşvət araşdırması çərçivəsində Antalya Böyükşəhər Bələdiyyəsinə qarşı növbəti əməliyyat keçirilib. Qaçaqmalçılıq və Mütəşəkkil Cinayətkarlıqla Mübarizə Şöbəsinin əməkdaşları gecə saatlarında həyata keçirdikləri basqın zamanı bələdiyyə sədri Muhittin Böcəyin baş müşaviri Cem Oğuz və bələdiyyə əməkdaşı Buse K.-nı evlərində saxlayıblar.
Suriya İran müharibəsindən udacaq, yoxsa uduzacaq? Dəməşq özünü yeni bir sınaq qarşısında tapıb. O, müxtəlif döyüşlərin arasında sıxılıb qalıb: qərb sərhədlərində İsrailin Livandakı "Hizbullah"a qarşı müharibəsi, şərqdə isə İraqda silahlı qruplaşmalarla dövlət arasında artan gərginlik. Suriya səmalarında isə İsrail təyyarələri ilə İran raketləri və PUA-ları arasında "atəş kəsişməsi" (atəş xətlərinin kəsişməsi) baş verir.
Pakistanın xarici işlər naziri Məhəmməd İshaq Dar İslamabadda keçirilən görüşdə regionda müharibənin dayandırılması yollarının müzakirə olunduğunu bildirib.Məhəmməd İshaq Dar qeyd edib ki, görüş çərçivəsində müharibənin sona çatdırılması üçün mümkün diplomatik mexanizmlər geniş şəkildə müzakirə olunub. O bildirib ki, tərəflər arasında dialoqun intensivləşdirilməsi regionda sabitliyin bərpası üçün əsas şərt kimi qiymətləndirilir.
Pakistanın paytaxtı İslamabadda keçirilən dördtərəfli xarici işlər nazirləri görüşünün ilk mərhələsi başa çatıb, lakin müharibənin dayandırılması ilə bağlı konkret təşəbbüs irəli sürülməyib. Pakistan, Səudiyyə Ərəbistanı, Misir və Türkiyənin xarici işlər nazirlərinin iştirakı ilə keçirilən görüş təxminən iki saat davam edib. Görüşdə əsas diqqət regionda gərginliyin azaldılması və diplomatik yollarla münaqişənin həllinə yönəlib.
Misir Xarici İşlər Nazirliyi İslamabadda keçirilən yüksək səviyyəli dördtərəfli görüşlə bağlı rəsmi açıqlama yayıb və regionda hərbi eskalasiyanın qarşısının alınması üçün diplomatik addımların vacibliyini vurğulayıb. Bəyanatda görüşün əsas məqsədinin regionda artan hərbi gərginliyin azaldılması və diplomatik kanalların yenidən aktivləşdirilməsi olduğu bildirilib. Görüş çərçivəsində tərəflər üç əsas istiqamət üzrə müzakirələr aparıblar.