İddiada agentliyin məktəb və klinikalarında silahların saxlanılmasına icazə verdiyi, həmçinin HƏMAS üzvlərini işə götürdüyü iddia olunurdu. Lakin UNRWA-nın vəkilləri iddianı “absurd” adlandıraraq, agentliyin BMT-nin “subsidiar orqanı” kimi məsuliyyətdən azad olduğunu vurğulayıblar.

İsrail ordusunun Qəzza zolağının müxtəlif bölgələrinə təşkil etdiyi son hücumlarda 10 fələstinli həlak olub. Xəstəxana mənbələri və hadisə şahidlərinin verdiyi məlumata görə, İsrail ordusu bu gün səhər saatlarından etibarən Qəzza zolağında köç etməyə məcbur edilən fələstinlilərin sığındığı çadır və evlərlə yanaşı, mülki şəxslərin toplandığı əraziləri də hədəfə alıb. İsrailə məxsus pilotsuz uçuş aparatı Qəzza şəhərinin qərbində yerləşən Ənsar qovşağı yaxınlığını hədəfə alıb və nəticədə bir uşaq həyatını itirib. Eyni zamanda şəhərin müxtəlif məhəllələrində şiddətli bombardmanlar və ardıcıl partlayışlar baş verib.

Qətər və Misirin, ABŞ Prezidenti Donald Tramp tərəfindən təqdim edilən və Qəzzada münaqişəni sonlandırmağı hədəfləyən 20 maddəlik planı HƏMAS-a çatdırdığı bildirilib. Bu barədə məlumat "El-Kahire News" telekanalına danışan, adının açıqlanmasını istəməyən misirli təhlükəsizlik mənbəsinə istinadla verilib. Məlumata görə, Trampın “Qəzza Münaqişəsini Sonlandıracaq Əhatəli Planı”, hər iki ölkə tərəfindən HƏMAS-a təqdim olunub.

Fələk orta əsr İslam kosmologiyasında ulduzları daşıdığına və hərəkət etdirdiyinə inanılan şəffaf göy kürəsinə verilən addır. Bu termin İslam fəlsəfəsində, xüsusilə Farabinin (871-950) sistemləşdirdiyi südur nəzəriyyəsində böyük əhəmiyyət kəsb edən məfhumdur.

Son üç ay ərzində ikinci dəfə olaraq İsrailin Baş naziri Benyamin Netanyahu bazar ertəsi Qüdsdəki “Davud şəhəri” məhəlləsindən Əl-Əqsa məscidinin yanındakı Burak divarına (Qərb divarı ) qədər uzanan tunelin açılışını etdi. Lakin bu dəfə açılış ABŞ-ın dövlət katibi Marko Rubionun iştirakı ilə baş tutdu. Rubio bu addımı “xüsusi tarixi hadisə” adlandırdı.

İsrail ordusunun Qəzza zolağının müxtəlif bölgələrinə endirdiyi hava zərbələri nəticəsində aralarında qadın və uşaqların da olduğu 20 fələstinli həyatını itirib. Hadisə şahidlərinin və xəstəxana mənbələrinin verdiyi məlumata görə, İsrail ordusu səhər saatlarından etibarən yaşayış məntəqələrini, yardım gözləyənləri və müxtəlif bölgələrdə yerləşən evləri hədəfə alıb. İsrail, Qəzza şəhərinin şimal-qərbində yerləşən Tuvan bölgəsində Sultan ailəsinə məxsus bir evə hava zərbəsi endirib. Hücum nəticəsində 14 fələstinli həlak olub, çox sayda insan yaralanıb.

Böyük Britaniyada Fələstin tərəfdarı qruplardan olan “Əl-Əqsa Dostları” İsrail prezidenti İsxaq Hersoq barəsində həbs qərarı çıxarılması üçün məhkəməyə müraciət edib. Bu barədə təşkilatın sədri İsmayıl Patel açıqlama verib. O, Hersoqun Qəzzadakı mülki şəxslərə qarşı həyata keçirilən hücumları təşviq etməkdə ittiham olunduğunu və bu səbəbdən cinayət işi prosesi başladıldığını bildirib. Patel qeyd edib ki, Baş prokurorluğa Hersoq haqqında həbs qərarı çıxarılması üçün müraciət edilib. Onun sözlərinə görə, müraciət və ittihamlar Hersoqun 2023-cü ilin 12 və 15 oktyabr tarixlərində verdiyi iki açıqlamaya əsaslanır. Qəzzadakı mülki şəxslərə və obyektlərə qarşı edilən hücumlarla bağlı olan bu açıqlamaların bəzi hissələri İsrailin hərbi rəsmiləri tərəfindən dəfələrlə təkrar olunub.

2019-cu ilin sonlarından etibarən, İsrail İranla bağlı təhlükəsizlik doktrinasında dəyişiklik elan edərək “Min xəncər” (A Thousand Daggers) strategiyasını qəbul etdikdən sonra, iki tərəf arasındakı toqquşma daha da kəskin bir məcraya yönəldi. Lakin 7 oktyabr 2023-ə qədər İsrailin İrana qarşı əməliyyatları əsasən “gizli əməliyyatlar” çərçivəsində qalırdı.

2025-ci il 18 yanvarda məlum oldu ki, Ben-Qvir Qəzza müharibəsi üzrə üç mərhələli atəşkəs razılaşmasının qəbulundan sonra nazirlər kabinetindən istefa verməyi planlaşdırır. O, 19 yanvarda istefa verdi. İki ay sonra Qəzzaya hava zərbələrinin davam etməsi fonunda partiyası ilə birlikdə hökumətə qayıdacağı elan edildi.

İsrail ordusunun Qəzza zolağında dünən səhərdən etibarən həyata keçirdiyi hava və quru hücumları nəticəsində 66 fələstinli həlak olub, çoxlu sayda insan yaralanıb. Hücumlar Qəzza şəhərinin mərkəzindəki Vahdet küçəsində mülki yığıncaqları, şimaldakı Şeyx Radvan və Zarqa bölgələrini, həmçinin şimal-qərbdəki Zikim bölgəsində humanitar yardım gözləyən fələstinliləri hədəf alıb. Nusraerat Qaçqınlar Düşərgəsində bir mülki evə endirilən hava zərbəsi də 5 fələstinlinin ölümünə səbəb olub. Qəzzadakı Əl-Əqsa Şəhidləri Xəstəxanası elektrik kəsintisi səbəbindən böyük bir böhranla üzləşir. Xəstəxananın açıqlamasına görə, əsas generatorlar ağır istifadə və şərait səbəbindən dəfələrlə sıradan çıxıb, hazırda yalnız iki aşağı tutumlu generatorla fəaliyyət göstərir. Bu, əməliyyat otaqları, reanimasiya və neonatal bölmələr kimi kritik sahələrin ehtiyaclarını ödəmək üçün yetərli deyil. Xəstəxana administrasiyası 400 kilovolt amper gücündə böyük bir generatorun təcili olaraq təmin edilməsinə çağırış ed

Türkiyə Böyük Millət Məclisinin (TBMM) sədri Numan Kurtulmuşun imzasını daşıyan və İsrailin Qəzzadakı işğal siyasəti ilə Fələstin xalqına qarşı həyata keçirdiyi soyqırımı pisləyən bəyannamə TBMM Baş Assambleyasında qəbul edilib. Bəyannamədə vurğulanıb ki, İsrailin onilliklərdir davam etdirdiyi işğal və ilhaq siyasəti son iki ildə xüsusilə Qəzzada soyqırıma çevrilib. Qeyd olunub ki, aclıq və qıtlıq bir silah kimi istifadə olunaraq on minlərlə insanın həyatına son qoyulub. Baş nazir Benyamin Netanyahunun hökumətinin Qəzza əhalisini aclığa məhkum etməsi BMT və beynəlxalq təşkilatlar tərəfindən də təsdiqlənib.

Dünya Müsəlman Alimləri Birliyi və Türkiyə İslam Alimləri Vəqfinin təşkilatçılığı ilə keçirilən “İslami və İnsani Məsuliyyət: Qəzza” konfransı 22 avqustda Eyüp Sultan Məscidində cümə namazı ilə başlayıb və bir həftə davam edib. 50 ölkədən 150-yə yaxın alim Demokratiya və Azadlıqlar Adasında Qəzzada yaşanan humanitar böhranı, Fələstin məsələsini və İslam ümmətinin həmrəyliyini müzakirə edərək hökumətlər, universitetlər, hüquqşünaslar, QHT-lər və iş adamları üçün tövsiyələr hazırlayıb. Konfransın yekun bəyannaməsi bu gün Ayasofya Məscidində cümə namazından sonra elan ediləcək, İslam alimləri buradan bütün dünyaya, xüsusən İslam ümmətinə Qəzza ilə bağlı güclü çağırışlar ünvanlayacaq.

İsrailin ifrat sağçı maliyyə naziri Bezalel Smotrich Qərbi Qüdsdəki Beynəlxalq Konqres Mərkəzində keçirilən tədbirdə Qüds meri Moşe Liona işğal altındakı Şərqi Qüdsdəki Əl-Əqsa məscidinin yerində Süleyman məbədinin tikintisi üçün pul vəd edib. Smotrich minlərlə insanın qarşısında gülərək, “Mən sənə pul verəcəm, sən isə Məbədi tikəcəksən,” deyib. Buna cavab olaraq Lion, Smotrich-i “Yerusəlimin indiyə qədərki ən yaxşı maliyyə naziri” adlandırıb. Bu açıqlama İsrailin Məbəd dağı ilə bağlı siyasətində dəyişiklik müzakirələrinin getdiyi həssas bir dövrdə səslənib. Eyni zamanda, milli təhlükəsizlik naziri İtamar Ben-Qvirin də daxil olduğu bəzi nazirlərin Məscidül-Əqsaya prosedurları pozaraq daxil olmaları və orada dua etmələri gərginliyi daha da artırıb. Fələstinlilər bu hərəkətləri Şərqi Qüdsün yəhudiləşdirilməsi və ərəb-islam kimliyinin silinməsi cəhdi kimi qiymətləndirir.

Qəzza zolağında İsrail tərəfindən saxlanılan 13 fələstinli Beynəlxalq Qızıl Xaç Komitəsinin (BQXK) vasitəçiliyi ilə azad edilib. Qeyd olunub ki, Qızıl Xaç Komitəsi mart ayından bəri 5-i qadın olmaqla ümumilikdə 255 fələstinlinin İsrail tərəfindən birtərəfli qaydada azad olunmasına vasitəçilik edib və onların ailələrinə qovuşmasına yardım göstərib. Komitə açıq şəkildə saxlanılan şəxslərin adlarının açıqlanmasını və ailə görüşlərinə icazə verilməsini tələb edib. Açıqlamada vurğulanıb ki, beynəlxalq humanitar hüquqa görə əsirlərə insani münasibət göstərilməli, məqbul saxlanma şəraiti təmin olunmalı və onların ailələri ilə ünsiyyət imkanı qorunmalıdır.

Türkiyənin İƏT-də sədrliyi çərçivəsində avqustun 25-də Səudiyyə Ərəbistanının Ciddə şəhərində keçiriləcək 21-ci Fövqəladə Xarici İşlər Nazirləri Şurası (ECM) iclasına Hakan Fidan rəhbərlik edəcək. Toplantının əsas müzakirə mövzusu İsrailin Qəzzada həyata keçirdiyi hərbi əməliyyatlar və humanitar vəziyyət olacaq. Diplomatik mənbələrin bildirdiyinə görə, Fidanın çıxışında İsrailin Qəzzanı tam işğal etmək, iki dövlətli həll yolunu mümkünsüz hala gətirmək və fələstinliləri öz torpaqlarından qovmaq siyasətinin qəbuledilməz olduğunu vurğulaması gözlənilir. Nazir həmçinin dərhal atəşkəsin təmin edilməsinin və humanitar yardımın fasiləsiz çatdırılmasının vacibliyini diqqətə çatdıracaq.

, Əl-Əqsa Şəhidləri Xəstəxanasının mənbələrinə görə, sərbəst buraxılan şəxslər Xan Yunisin şərqindəki Kisufim keçidindən Qəzzaya daxil olub. Onların əksəriyyətinin yorğun vəziyyətdə olduğu, bəzilərində isə işgəncə izləri müşahidə edildiyi bildirilib. Məlumata əsasən, İsrail vaxtaşırı kiçik qruplar halında fələstinliləri azad etsə də, həmin şəxslərdə aclıq və ağır fiziki işgəncə əlamətləri aşkar olunur. Fələstin Əsirlər Dərnəyi daha əvvəl açıqlamışdı ki, quru hücumu başlayandan bəri İsrail minlərlə fələstinlini, o cümlədən qadınlar, uşaqlar, tibb personalı və mülki müdafiə işçilərini saxlayıb.

HƏMAS 1969-cu il avqustun 21-də Məscidül-Əqsanın yandırılmasının ildönümü ilə əlaqədar açıqlama yayıb və İsrailin işğal və planlarına baxmayaraq, Qüds və Məscidül-Əqsanın İslami kimliyini qoruyacağını bəyan edib. Bəyanatda İsrailin baş naziri Binyamin Netanyahunun “Böyük İsrail” çıxışının regional və qlobal təhlükəsizlik üçün təhdid olduğu vurğulanıb və ərəb və İslam ölkələrinə Qüds və Məscidül-Əqsanı qorumaq üçün ciddi addımlar atmaq çağırışı edilib. HƏMAS həmçinin sabah dünya miqyasında Məscidül-Əqsa və Qəzzaya dəstək üçün aksiyalara çağırıb.

Fələstin İslam Vəqfləri İdarəsinin məlumatına görə, 124 radikal səhər saatlarında Məğaribə qapısından qrup halında məscidə girərək həyətlərdə gəzinti edib, şərq tərəfdə – Bab ər-Rahmə namazgahı yaxınlığında təxribat xarakterli turları və Talmud ayinlərini icra ediblər.

Bir sıra ərəb və islam ölkələrinin xarici işlər nazirləri, eləcə də beynəlxalq təşkilatların baş katibləri İsrailin Baş naziri Benyamin Netanyahunun “Böyük İsrail”lə bağlı bəyanatlarını sərt şəkildə pisləyiblər. Bəyanatı pisləyən ölkələr və təşkilatlara Səudiyyə Ərəbistanı, Əlcəzair, Bəhreyn, Banqladeş, Çad , Komorlar İttifaqı, Cibuti, Misir, Qambiya, İndoneziya, İraq, İordaniya, Küveyt, Livan , Liviya, Maldivlər, Mavritaniya, Mərakeş, Nigeriya, Oman, Pakistan, Fələstin, Qətər, Seneqal , Syerra Leone, Somali, Sudan, Suriya, Türkiyə, Birləşmiş Ərəb Əmirliklərinin, Yəmən eləcə də Ərəb Dövlətləri Liqası, İslam Əməkdaşlıq Təşkilatı və Körfəz Əməkdaşlıq Şurası daxildir.

Qəzzadakı Fələstin hökuməti İsrailin Əqsa Şəhidləri Xəstəxanasını yenidən hədəf aldığını açıqlayıb. Hökumətin Media Ofisinin yaydığı məlumata görə, İsrailin döyüş təyyarələri bu gün xəstəxanaya hava hücumu təşkil edib. Bu, 7 oktyabr 2023-cü ildən bəri həmin xəstəxanaya edilən 13-cü hücumdur. Açıqlamada bildirilib ki, hücum İsrailin Qəzzadakı səhiyyə infrastrukturunu sistemli şəkildə hədəfə almaq niyyətində olduğunu göstərir. “İsrail ordusu bu gün, cümə günü, xəstəxananın içində yerləşən bir qaçqın çadırını – xüsusilə poliklinika şöbəsinin üzərində yerləşən hissəni – bombalayıb”, – deyə məlumatda qeyd olunub.

Yəməndə İranın dəstəklədiyi husilər İsrail əsgərlərinin Məscidül-Əqsaya basqınından sonra altı pilotsuz təyyarə ilə İsrailin dörd bölgəsinə zərbə endirdiklərini açıqlayıb. Husi ordusunun sözçüsü Yəhya Seri hücumların cənubdakı Bir-es-Sebi (Bershawa), Nəcəf və Əliat şəhərlərinə, həmçinin şimaldakı Hayfaya yönəldiyini və “kritik hədəflərin” vurulduğunu iddia edib. Qeyd edək ki, husilər bu hücumları İsrailin Qəzza zolağında fələstinlilərə qarşı həyata keçirdiyi hərbi əməliyyatlara, Məscidül-Əqsaya basqınlara və müqəddəs məkanlara qarşı pozuntulara cavab olaraq etdiklərini bildiriblər. İsrail tərəfi isə məsələ ilə bağlı açıqlama verməyib. Yanvarın 19-da əldə olunan atəşkəs razılaşmasının pozulmasından sonra husilər vaxtaşırı ballistik raketlər və PUA-larla İsraili hədəfə alır.

İranın Bağdaddakı təsiri, şiə dini lider Ayətullah Əli Sistaninin rəhbərlik etdiyi Nəcəf dini mərcəliyi qarşısında zəifləyir. İran İslam İnqilabı Keşikçiləri Korpusunun (SEPAH) bəzi dairələrinin silahlı qrupları silahların məhdudlaşdırılması və “Həşdi-Şaabi”nin dövlət strukturlarına inteqrasiya planlarına qarşı yönləndirmə cəhdlərinə baxmayaraq, İraq şiələrinin dini rəhbərliyi hakim koalisiya ilə ciddi problemlər yaşayır. Hakimiyyət isə böhranın dərinləşməsini önləməkdə ləngiyir və vəziyyət “qaynama nöqtəsinə” yaxınlaşır.

Yəmən Silahlı Qüvvələrinin sözçüsü briqada generalı Yahya Sari, Qəzza zolağında fələstinlilərə dəstək məqsədilə İsrail hədəflərinə qarşı üç yeni pilotsuz uçuş aparatı (PUA) əməliyyatı həyata keçirildiyini açıqlayıb.

İran Xarici İşlər Nazirliyinin sözçüsü İsmayıl Bəqai, Əl-Əqsa məscidinə təşkil edilən basqının beynəlxalq və regional sülh üçün ciddi təhdid yaratdığını bildirib.