BAKI, AzerVoice
İsrail polis qüvvələrinin müşayətilə yüzlərlə radikal yəhudi bu gün səhər saatlarında Əl-Əqsa məscidinin həyətinə daxil olub.
AzerVoice xəbər verir ki, Fələstin İslam Vəqfləri İdarəsinin məlumatına görə, 124 radikal səhər saatlarında Məğaribə qapısından qrup halında məscidə girərək həyətlərdə gəzinti edib, şərq tərəfdə – Bab ər-Rahmə namazgahı yaxınlığında təxribat xarakterli turları və Talmud ayinlərini icra ediblər.
İsrail polisi Əl-Əqsa məscidinin qapılarında nəzarəti gücləndirərək, hücum saatlarında müsəlmanların girişinə məhdudiyyət qoyub. Məqsəd, məskunlaşanların hücumunu təhlükəsiz təmin etmək olub.
İsrail mediasının yaydığı bir görüntüdə isə işğal polisi əməkdaşının övladları ilə birlikdə Əl-Əqsada xatirə fotosu çəkdirdiyi əks olunub.
Son iki il ərzində İsrail hakimiyyəti Hənadi Həlvani və Xədicə Xvaysın Əl-Əqsa məscidinə girişinə, Qərb sahəsinə səfərinə və xaricə çıxışına qadağa qoyub. Bundan əlavə, onların müəyyən ictimai-siyasi şəxslərlə ünsiyyəti də məhdudlaşdırılıb.