BAKI,VOA, Nailə Babazadə
ABŞ Mərkəzi Komandanlığı (CENTCOM) İrana qarşı davam edən hərbi əməliyyatların miqyası barədə rəsmi məlumat yayıb. CENTCOM komandanı admiral Bred Kuper bildirib ki, bu, ABŞ-ın son bir nəsildə Yaxın Şərqdə həyata keçirdiyi ən böyük hərbi yığınaqdır.
VOA xəbər verir ki, admiral Kuperin sözlərinə görə, fevralın 28-dən başlayan əməliyyatlarda 50 mindən çox əsgər, 200 döyüş təyyarəsi və 2 aviadaşıyıcı gəmi iştirak edir. İndiyədək İran ərazisində təxminən 2 min strateji hədəfin vurulduğu və ölkənin hava hücumundan müdafiə sistemlərinin böyük ölçüdə sıradan çıxarıldığı qeyd olunub.
Xatırladaq ki, ABŞ və İsrail koalisiyasının hücumlarına cavab olaraq İran da Qətər, BƏƏ və Bəhreyn kimi ölkələrdəki ABŞ bazalarını hədəf alıb. Əməliyyatlar nəticəsində İranın ali rəhbəri Ayetullah Əli Xameneyi daxil olmaqla bir çox yüksək rütbəli rəsmi həyatını itirib. İran Qızıl Aypara Cəmiyyətinin son hesabatına görə, bombardmanlar nəticəsində ölənlərin sayı 787-yə çatıb.