BAKI, AzerVoice, Nailə Babazadə
ABŞ, Nigeriya hökumətinin xahişi ilə şimal-qərb Nigeriyada İŞİD militantlarına qarşı əməliyyat həyata keçirib. Prezident Donald Tramp bildirib ki, qrup bölgədə əsasən xristianları hədəf alıb.
AzerVoice xəbər verir ki, ABŞ Afrikadakı Hərbi Komandanlığı (AFRICOM) əməliyyatın Sokoto ştatında Nigeriya hakimiyyətləri ilə koordinasiya olunaraq həyata keçirildiyini və bir neçə militantın məhv edildiyini açıqlayıb.
Nigeriya Xarici İşlər Nazirliyi bildirib ki, əməliyyat ABŞ-la davam edən təhlükəsizlik əməkdaşlığı çərçivəsində, kəşfiyyat paylaşımı və koordinasiya əsasında həyata keçirilib. Pentagon tərəfindən yayılan videoda ən azı bir raket döyüş gəmisindən buraxıldığı görünür.
ABŞ Müdafiə Naziri Pit Hegseth Nigeriya hökumətinə dəstək üçün təşəkkür edib və bildirib: "Daha çoxu gələcək..."
Nigeriya hökuməti vurğulayıb ki, silahlı qruplar həm müsəlmanları, həm də xristianları hədəf alır. Ölkə əhalisi şimalda müsəlmanlar, cənubda isə xristianlardan ibarətdir. Polis məlumatına görə, Nigeriyanın şimal-şərqində məsciddə partlayış nəticəsində ən azı 5 nəfər ölüb, 35 nəfər yaralanıb.
Nigeriya Prezidenti Bola Tinubu Milad mesajında ölkədə dinlərarası sülhün təmin olunmasını çağırıb və dini azadlığı qoruyacağını bildirib.
Trump isə zərbə ilə bağlı açıqlamasını Palm Biç, Florida’dakı Mar-a-Lago Klubundan verib.