BAKI, AzerVoice, Nailə Babazadə

İran Hökumətinin sözçüsü Fatma Muhacirani bildirib ki, bu ilin iyun ayında İsrail və ABŞ-ın həyata keçirdiyi hücumlar nəticəsində nüvə təsislərinə dəyən zərər səbəbindən hazırda uranyum zənginləşdirmə fəaliyyəti mümkün deyil.

AzerVoice xəbər verir ki, Təbrizdə keçirdiyi mətbuat konfransında Mühacirani gündəmdəki mövzuları şərh edib.

Avropa ölkələri – İngiltərə, Fransa və Almaniya – BMT Təhlükəsizlik Şurasında İranın uranyum zənginləşdirmə fəaliyyətini dayandırmasını tələb edən qərar layihəsi hazırladığına toxunan Mühacirani bildirib.

"İranın nüvə proseslərinə dəyən zərəri nəzərə alaraq, uranyumun zənginləşdirilməsi hazırda mümkün deyil." - deyə Mühaciranı qeyd edib.

Mühacirani həmçinin Prezident Pezeşkianın Səudiyyə Ərəbistanı Vəliəhdi Məhəmməd bin Salmana yazılı mesaj göndərdiyini və mesajda həc əməkdaşlığı və iki ölkə arasındakı münasibətlərin yaxşılaşdırılması məsələlərinin vurğulandığını qeyd edib.

"Xüsusilə iyunda İsrail və ABŞ hücumları zamanı həc ziyarətçilərinin geri dönüşündə Səudiyyə Ərəbistanı ilə göstərilən yüksək əməkdaşlıq səbəbindən Prezidentimiz bu mesajda İranın təşəkkürlərini çatdırdı." - deyə Mühaciranı qeyd edib.