BAKI, AzerVoice, Nailə Babazadə
Ukrayna prezidenti Volodomir Zelenski bazar ertəsi ABŞ-a gedəcəyini açıqlayıb. Zelenski ABŞ prezidenti Donald Trampla görüşəcəyini bildirib.
AzerVoice xəbər verir ki, Ukrayna Prezidenti Volodimir Zelenski, Rusiya lideri Vladimir Putin ilə Alaskada görüşən sabiq ABŞ Prezidenti Donald Tramp ilə zirvə görüşündən sonra telefon danışığı apardığını bildirib.
Zelenski bu barədə Telegram hesabında paylaşım edib. Onun sözlərinə görə, əvvəlcə Avropa liderlərinin iştirakı ilə, daha sonra isə təxminən bir saat yarım müddətində Tramp ilə təkbətək telefon danışığı baş tutub.
"Prezident Trampın Ukrayna, ABŞ və Rusiya arasında üçtərəfli görüş təşəbbüsünü dəstəkləyirik. Ukrayna, əsas məsələlərin liderlər səviyyəsində müzakirə olunmasının vacib olduğunu və bu formatın uyğun olduğunu vurğulayır", – deyə Zelenski qeyd edib.
Zelenski, telefon danışığında Ukraynanın təhlükəsizliyi ilə bağlı mövzuların da müzakirə olunduğunu və Avropanın bu prosesin bütün mərhələlərinə qatılmasının zəruriliyini vurğulayıb.
Ukrayna lideri həmçinin bazar ertəsi Vaşinqtona səfər edəcəyini və orada Tramp ilə "müharibənin və qətllərin sona çatması üçün bütün detalların" müzakirə olunacağını bildirib.