BAKI, AzerVoice
Rusiya Prezidentinin mətbuat katibi Dmitri Peskov, Rusiya Prezidenti Vladimir Putin ilə Ukrayna Prezidenti Vladimir Zelenski və ABŞ prezidenti Donald Tramp arasında Ukrayna münaqişəsinin həlli ilə bağlı yüksək səviyyəli birbaşa danışıqlar üçün ilkin şərti açıqlayıb.
AzerVoice xəbər verir ki, Peskov bu görüşün yalnız Rusiya və Ukrayna nümayəndə heyətləri arasında nəticə əldə olunandan sonra mümkün olacağını bildirib.
Onun sözlərinə görə, Putin dəfələrlə yüksək səviyyəli təmaslara açıq olduğunu bəyan edib. Lakin belə görüşlər üçün əvvəlcə nümayəndə heyətləri səviyyəsində ciddi nəticələrin əldə olunması vacibdir.
Qeyd edək ki, Rusiya və Ukrayna nümayəndə heyətləri İstanbulda keçirilən danışıqların ikinci mərhələsi üçün hazırlıqları davam etdirir. Kreml isə nümayəndə heyətlərinin nəticəyə nail olmasının yüksək səviyyəli görüşlərin başlanması üçün vacib amil olduğunu vurğulayır.