BAKI,VOA,Yusif Şərifzadə

Böyük Britaniyanın ehtimal olunan növbəti baş naziri Endi Börnham ölkənin müxalif Labour Partiyasının İsrailin Qəzzadakı hərbi əməliyyatlarına ilkin reaksiyasının yetərli olmadığını etiraf edib.

VOA xəbər verir ki, Labour Partiyasının deputatı Endi Börnham sosial şəbəkə hesabında yayımladığı videomüraciətdə partiyanın Qəzza məsələsində mövqeyinə görə üzr istəyib.

“Mən bilirəm ki, bir çox insan İsrailin Qəzzadakı hərbi əməliyyatlarının başlanğıcında mənim partiyamın düzgün mövqe tutmadığını düşünür və buna görə üzr istəyirəm. Reaksiyamız çox vaxt kifayət qədər güclü olmayıb. Daha yaxşısını etməliyik”, - deyə Börnham bildirib.

O qeyd edib ki, Böyük Britaniya atəşkəs çağırışı etməkdə gecikib və hakimiyyətə gələcəyi təqdirdə Qəzzadakı zorakılıqlarda iştirak edən şəxslərə qarşı əlavə sanksiyaların tətbiqini nəzərdən keçirəcək.

Börnham həmçinin qanunsuz İsrail yaşayış məntəqələrindən gələn məhsulların ticarətinə qadağa qoyulması ilə bağlı tədbirləri dəstəkləyə biləcəyini bildirib.

Labour nümayəndəsi əlavə edib ki, Qəzzadakı vəziyyətlə bağlı “müharibə cinayətlərinin törədildiyinə dair artan sübutlar” mövcuddur.