BAKI,VOA, Fərid Mikayılov
ABŞ Prezidenti Donald Tramp Türkiyənin beşinci nəsil F-35 qırıcılarını əldə edəcəyini açıqlayıb.
VOA xəbər verir ki, Tramp bu barədə Ankarada keçirilən NATO dövlət və hökumət başçılarının 36-cı Zirvə toplantısı çərçivəsində NATO-nun Baş katibi Mark Rutte ilə görüşü zamanı danışıb.
“Türkiyə F-35-ləri əldə edəcək”, – deyə ABŞ Prezidenti bildirib.
Türkiyə Prezidenti Rəcəb Tayyib Ərdoğan isə daha əvvəl bəyan etmişdi ki, Donald Trampla keçirdiyi danışıqların nəticəsində Vaşinqtonun F-35 qırıcıları ilə bağlı müsbət qərar verəcəyinə ümid edir.
Qeyd edək ki, Ankarada keçirilən NATO Zirvə toplantısında alyansa üzv 32 ölkənin dövlət və hökumət başçıları bir araya gəlib. Zirvənin gündəliyinə müdafiə xərclərinin artırılması, İran böhranı, Avropanın təhlükəsizliyi və NATO-nun gələcək inkişaf perspektivləri ilə bağlı məsələlər daxildir.