BAKI,VOA,Yusif Şərifzadə
ABŞ Dövlət katibi Marko Rubio Hörmüz boğazında təhlükəsiz və sərbəst keçidin təmin olunmasının vacibliyini bildirib.
VOA xəbər verir ki, o bu açıqlamanı Abu-Dabiyə eniş etdikdən sonra jurnalistlərə verib.
Rubio qeyd edib ki, Hörmüz beynəlxalq su yolu hesab olunur və bütün ölkələr üçün açıq olmalıdır.
O vurğulayıb ki, beynəlxalq hüquqa əsasən heç bir dövlət bu kimi su yollarında keçid üçün rüsum və ya ödəniş tələb edə bilməz.
ABŞ rəsmisi əlavə edib ki, dəniz nəqliyyatının təhlükəsizliyi qlobal enerji və ticarət sabitliyi üçün kritik əhəmiyyət daşıyır.