BAKI,VOA, Fərid Mikayılov
ABŞ-ın maliyyə naziri Skott Bessent İran iqtisadiyyatının “çökmə həddinə çatdığını” iddia edib.
VOAxəbər verir ki, Bessent Vaşinqtonda keçirilən forumda çıxışı zamanı ABŞ hakimiyyətinin İrana məxsus təxminən 1 milyard dollar dəyərində kriptovalyuta aktivlərini müsadirə etdiyini bildirib.
Onun sözlərinə görə, bu proses “rəqəmsal cüzdanların birbaşa ələ keçirilməsi” kimi həyata keçirilib.
Nazir iddia edib ki, İran iqtisadiyyatı ciddi böhran içindədir: hərbçilərin 40–50 faizi maaş almır, polis qüvvələri xidmətə çıxmır, inflyasiya 200 faizdən yuxarıdır və hökumət ərzaq talonları paylayır.
ABŞ maliyyə naziri əlavə olaraq, regiondakı gərginlik fonunda Körfəz ölkələrinin İran nefti ilə bağlı əlaqələri daha açıq şəkildə ortaya qoyduğunu və Hörmüz boğazında mümkün blokada ssenarilərinin müzakirə olunduğunu bildirib.