BAKI, AzerVoice, Orxan Qədirzadə

Ukrayna Prezidenti Vladimir Zelenski cümə axşamı Kiyevdə ABŞ Müharibə Nazirliyinin yüksək rütbəli nümayəndə heyəti ilə görüşəcək. AzerVoice xəbər verir ki, görüş, ABŞ-ın müharibəni Moskvanın maraqlarına uyğun şərtlərlə dayandırmağı nəzərdə tutan planına dair yayılan məlumatların fonunda keçirilir.

Pentagon nümayəndə heyətinə ABŞ Ordusunun katibi Deniel Driskoll rəhbərlik edir. Heyət çərşənbə günü Kiyevə gəlib və artıq Ukraynanın baş naziri Yuliya Sırıdenko ilə görüş keçirib. Ukrayna tərəfi səfərin məqsədinin "yerində vəziyyətin qiymətləndirilməsi" olduğunu bildirib.

Zelenskinin köməkçisi Dmitri Litvin jurnalistlərə açıqlamasında dövlət başçısının nümayəndə heyəti ilə görüşəcəyini təsdiqləyib.

ABŞ rəsmiləri yanvar ayında Donald Trampın prezidentliyə qayıdışından sonra Ukraynaya nadir hallarda səfər edirlər.

ABŞ mediasının yaydığı məlumata görə, Vaşinqton və Moskva müharibənin bitməsi ilə bağlı qeyri-rəsmi danışıqlar aparır. İddialara görə layihə çərçivəsində Ukraynanın ərazi verməsi və ordusunun 50 faizdən çox azaldılması tələb oluna bilər. Ekspertlər tərəfindən bu "təslim olmaq" kimi qiymətləndirib.

Kreml xəbərə münasibət bildirməkdən imtina edib. Nə Kiyev, nə də Vaşinqton plan barədə rəsmi açıqlama verməyib.

Görüş həm də Rusiyanın bu il Ukraynaya endirdiyi ən ölümcül zərbələrdən birinin - azı 26 nəfərin öldüyü hücumun ertəsi gün baş tutur.