BAKI,AzerVoice
ABŞ İranı “inqilabi xülyalarından əl çəkməyə” çağıraraq beynəlxalq ictimaiyyəti Tehrana təzyiq göstərməyə dəvət edib və İran rəhbərliyini Vaşinqtonla “xoş niyyətli birbaşa dialoqa” başlamağa səsləyib.
ABŞ-ın BMT-dəki səfiri Mayk Volts bəyan edib ki, İran “məhv yolunda irəliləyir” və ölkə rəhbərliyini “öz xalqının və regionun təhlükəsizliyi naminə hərəkət etməyə” çağırıb. Onun sözlərinə görə, Yaxın Şərq bu gün “İranın regiondakı nümayyəndələrinə qarşı atılan qəti addımlar sayəsində misilsiz tarixi imkanlar dövrünə qədəm qoyub”.
Bununla yanaşı, ABŞ Maliyyə Cinayətlərinin İcra Şəbəkəsi (FinCEN) bildirib ki, İrana bağlı kölgə maliyyə strukturları vasitəsilə təxminən 9 milyard dollar həcmində paralel maliyyə əməliyyatları həyata keçirilib. Bu vəsaitlər sanksiyalardan yayınmaq, xaricdə neft satmaq, pulları yumaq və regiondakı İranpərəst silahlı qrupları maliyyələşdirmək məqsədi daşıyıb.
