BAKI, AzerVoice, Səməd Əyyubov

Rusiya Prezidenti Vladimir Putinlə keçirilən görüşdə Ukrayna ilə bağlı bir sıra məsələlər üzrə razılıq əldə olunub, qalan mövzular üzrə isə anlaşma perspektivləri yüksəkdir.

AzerVoice xəbər verir ki, bunu ABŞ prezidenti Donald Tramp Ankoricdə (Alyaska) keçirilən görüşdən sonra Rusiya prezidenti ilə birgə mətbuat konfransında çıxış edərkən deyib.

“Biz bir çox məqamlarda razılığa gəldik, çox az mövzu qaldı. Onların bəziləri o qədər də əhəmiyyətli deyil. Yəqin ki, yalnız bir ən vacib mövzu var və onunla bağlı razılığa gəlmək üçün çox yaxşı şansımız var” - deyə, Tramp bildirib.

O həmçinin vurğulayıb ki, Putinlə apardıqları danışıqlar nəticəsində ciddi irəliləyiş əldə olunub:

“Bu gün biz həqiqətən böyük irəliləyişə nail olduq.”

Xatırladaq ki, bundan əvvəl Alyaskada yerləşən “Elmendorf-Riçardson” hərbi bazasında iki liderin məhdud formatda görüşü baş tutub. Görüşdə Rusiya tərəfini Prezidentin köməkçisi Yuri Uşakov və xarici işlər naziri Sergey Lavrov, ABŞ tərəfini isə dövlət katibi Marko Rubio və Prezidentin xüsusi nümayəndəsi Stiven Uitkoff təmsil edib. Liderlər əvvəlcə qısa söhbət aparıb, daha sonra “üçə-üç” formatında əsas müzakirələrə keçiblər.