BAKI, AzerVoice, Nailə Babazadə
ABŞ Prezidenti Donald Tramp cümə günü Rusiya Prezidenti Vladimir Putin ilə Alyaskada görüş keçirəcək. Tramp bu gün Ukrayna Prezidenti Volodimir Zelenski və Avropa liderləri ilə onlayn görüşdə iştirak edəcək.
AzerVoice xəbər verir ki, Tramp Zelenski və bəzi Avropa liderlərinin qatılacağı onlayn görüşdə Putinlə keçirəcəyi sammit öncəsi son vəziyyəti müzakirə edəcək.
ABŞ Prezidenti Donald Tramp ilə Rusiya Prezidenti Vladimir Putin 15 avqust cümə günü Alyaska ştatının Ankoric (Anchorage) şəhərində bir araya gələcəklər.
Tramp Ağ Evdə keçirdiyi mətbuat konfransında cümə günü Putinlə keçirəcəyi görüşdən atəşkəs gözlədiyini bildirərək, “Putinlə görüşümün yaxşı keçəcəyini düşünürəm, amma pis də keçə bilər,” deyə açıqlama verib.
Tramp, Putinlə görüşünün “çox məhsuldar” keçəcəyinə inandığını, lakin nəticəni indidən bilmədiyini söyləyərək əlavə edib ki,
“Vladimir Putinlə görüşə gedirəm və ona bunu deyəcəyəm: Bu müharibəni bitirməlisən.” - deyə qeyd edib.