BAKI, AzerVoice, Səməd Əyyubov – ABŞ Prezidenti Donald Tramp bugün Ukrayna Prezidenti Volodimir Zelenski ilə telefon danışığı aparacaq.
AzerVoice xəbər verir ki, telefon danışığının, Trampın Yaxın Şərq üzrə xüsusi nümayəndəsi Stiven Uitkoffun Rusiya prezidenti Vladimir Putinlə görüşündən sonra baş tutması gözlənilir.
Ukraynanın “Ukrainska Pravda” (Українська правда) qəzetinin məlumatına əsasən, telefon danışığı Uitkoffun Rusiyaya səfərinin yekunlarına həsr olunacaq.
Qeyd edək ki, Tramp və Zelenski arasında son telefon danışığı avqustun 5-də baş tutub.
Bundan əvvəl, Rusiya prezidentinin köməkçisi Yuri Uşakov bildirmişdi ki, Putin ilə Uitkoff arasında Kremldə baş tutan görüş faydalı və konstruktiv keçib.