BAKI, AzerVoice
Rusiya Təhlükəsizlik Şurasının sədr müavini Dmitri Medvedev ABŞ
prezidenti Donald Trampın Kremlin ünvanına səsləndirdiyi sərt
ultimatumun Moskvada heç bir əhəmiyyət kəsb etmədiyini
bildirib.
AzerVoice xəbər verir ki, Medvedev
yazılı açıqlamasında Trampın Rusiyaya qarşı 100 faizlik tarif
artımı və Ukraynaya əlavə hərbi yardımla bağlı xəbərdarlığına cavab
verib.
O, "Tramp Kremlə dramatik ultimatum verdi. Döyüş yönümlü Avropa
məyus oldu. Rusiyanın isə vecinə deyildi", – deyə qeyd edib.
Qeyd edək ki, prezident Tramp ötən həftə verdiyi bəyanatda Rusiya 50 gün ərzində Ukrayna ilə razılığa gəlməzsə, Moskvaya qarşı yeni sanksiyalar tətbiq ediləcəyini və Ukraynaya daha çox Patriot hava hücumundan müdafiə sistemləri göndəriləcəyini açıqlamışdı.