BAKI, AzerVoice
ABŞ Senatı Prezident Donald Trampın Kanadaya qarşı tətbiq etdiyi yeni tarifləri dayandıran qanun layihəsini qəbul edib.
AzerVoice xəbər verir ki, qanun
layihəsi Senatda 51-48 səs çoxluğu ilə təsdiqlənərək Nümayəndələr
Palatasına göndərilib.
Senatın bu qərarı Tramp administrasiyasının genişmiqyaslı yeni
tariflər toplusunu elan etməsindən bir neçə saat sonra verilib.
Xüsusilə, dörd respublikaçı senator demokratlarla əməkdaşlıq edərək
qanunun qəbul edilməsinə səs verib.
Qanun layihəsi Trampın yanvarın 22-də elan etdiyi milli fövqəladə vəziyyətə son qoymağı hədəfləyir. Administrasiya bu addımı Kanada, Meksika və Çindən ölümcül narkotik fentanilin qaçaqmalçılığı ilə əlaqələndirirdi. Lakin qanunvericilər tariflərin iqtisadi təsirlərini əsas gətirərək Trampın qərarına qarşı çıxıblar.
Qeyd edək ki, qanun layihəsinin növbəti mərhələdə Nümayəndələr Palatasında dondurulacağı gözlənilir. Bu isə Tramp administrasiyasının Kanada ilə ticarət siyasətindəki gərginliyini artıracaq.