ABŞ-də İsrail tərəfdarı AIPAC lobbi təşkilatının siyasi nüfuzunun zəiflədiyinə dair yeni əlamətlər müşahidə olunur. Miçiqandan Senata respublikaçı namizəd Mayk Rocersin müttəfiqləri AIPAC-dan onun lehinə açıq reklam kampaniyası aparmamağı istəyiblər. Rocers İsrailə güclü dəstəyi ilə tanınsa da, AIPAC-ın açıq dəstəyinin seçkilərdə siyasi yükə çevrilə biləcəyindən narahatlıq var. AIPAC Miçiqandakı demokratların ilkin seçkisində 30 milyon dollardan çox vəsait xərcləyib. Buna baxmayaraq, təşkilatın əleyhinə kampaniya aparan Əbdül Əl-Səyyed ilkin seçkidə qalib gəlib. Qəzzadakı müharibəyə münasibətin ABŞ seçicilərinin İsrail siyasətinə baxışına təsir etdiyi bildirilir. AIPAC son dövrdə bir sıra seçki məğlubiyyətləri ilə də üzləşib. Miçiqandakı vəziyyət təşkilatın ABŞ seçkilərindəki roluna dair müzakirələri daha da gücləndirib.

Mişiqan ştatında Demokratlar Partiyasının Senata namizədlik üzrə ilkin seçkisində misir əsilli müsəlman həkim Əbdürrəhman Məhəmməd Seyyidin (Abdul) qalib gəlməsi ABŞ-da müsəlman prezidentin mümkünlüyü ilə bağlı müzakirələri yenidən gündəmə gətirib.

41 yaşlı doktor Əbdürrəhman əs-Seyidin ABŞ Senatında Miçiqan ştatından vacib bir yer uğrunda Demokratlar Partiyasının praymerizində qazandığı qələbə xüsusi əhəmiyyət kəsb edir. Bu qələbə Partiya rəhbərliyinin favoriti sayılan konqresmen Heyli Stivensə qarşı gərgin mübarizə şəraitində əldə olunub. Əs-Seyid noyabrın 5-də keçiriləcək Konqresə aralıq seçkilərində Donald Trampın dəstəklədiyi respublikaçı namizəd Mayk Rocerslə qarşılaşacaq.

ABŞ Senatı İrana qarşı hərbi əməliyyatların məhdudlaşdırılması ilə bağlı qətnaməni irəli aparmayıb. Qətnamə Prezident Donald Trampın Konqresin razılığı olmadan müharibəni davam etdirməsinin qarşısını almağı nəzərdə tuturdu. Sənəd 50 səsə qarşı 49 səslə rədd edilib. Üç respublikaçı senator demokratlarla birlikdə qətnaməyə dəstək verib. Demokrat senator Con Fetterman isə respublikaçılarla eyni mövqedən çıxış edib. Səsvermə Konqresdə İran siyasəti ilə bağlı fikir ayrılıqlarını üzə çıxarıb. Beləliklə, Prezidentin mövcud hərbi siyasətinə məhdudiyyət tətbiq olunmayıb.

ABŞ Senatı İranla bağlı yeni Müharibə səlahiyyətləri haqqında qətnaməni müzakirə edəcək. Sənəd prezidentin Konqresin razılığı olmadan hərbi əməliyyatları davam etdirməsini məhdudlaşdırmağı nəzərdə tutur. Qətnamə 1973-cü ildə qəbul olunmuş qanunun müddəalarına əsaslanır. Demokratlar təşəbbüsü dəstəkləsələr də, Respublikaçıların əksəriyyəti prezidentin mövqeyini müdafiə edir. Bununla yanaşı, bəzi Respublikaçı senatorların fərqli mövqe sərgiləməsi diqqət çəkir. Qətnamənin taleyi məhz onların səsindən asılı ola bilər. Sənəd qəbul olunarsa, Ağ evin İran siyasətinə təsir göstərə bilər.

ABŞ Senatı Prezident Donald Trampın namizədi Cey Kleytonu ölkənin yeni Milli Kəşfiyyat Direktoru (DNI) vəzifəsinə təsdiqləyib. Səsvermə zamanı Senat üzvləri partiya xətti üzrə mövqe nümayiş etdirib və namizəd 51 lehinə, 47 əleyhinə səslə təsdiqlənib. O, son aylarda geniş ixtisarlar aparılmış Milli Kəşfiyyat Direktoru Ofisinin rəhbərliyini üzərinə götürəcək. Bildirilir ki, qurumun əməkdaşlarının sayı əvvəlki rəhbərlik dövründə həyata keçirilən ixtisarlar nəticəsində əhəmiyyətli dərəcədə azalıb.

Men ştatında Demokratlar Partiyası Troy Ceksonu ABŞ Senatına namizəd seçib. O, namizədliyini geri götürən Qrem Platneri əvəz edəcək. Platner cinsi zorakılıq ittihamlarından sonra yarışdan çəkilib, lakin ittihamları rədd edir. Troy Cekson noyabr seçkilərində respublikaçı senator Syuzan Kollinzə qarşı mübarizə aparacaq. Men ştatı Senatdakı qüvvələr balansı baxımından mühüm hesab olunur. Cekson kampaniyasında iqtisadi çətinliklər və yaşayış xərclərinin artımını əsas mövzu kimi təqdim edib. Syuzan Kollinz bu açıqlamalara hələlik cavab verməyib.

ABŞ Konqresinin üzvü Ralf Norman Senata namizədliyini açıqlayıb. O, mərhum senator Lindsi Qrehemin boş qalan mandatı uğrunda mübarizə aparacaq. Norman əsas prioritetinin Donald Trampın "America First" siyasətini dəstəkləmək olduğunu bildirib. Prezident Tramp isə Lindsi Qrehemin bacısı Darlin Qrehemi xüsusi praymeridə iştirak etməyə çağırıb. Tramp onun namizədliyini dəstəkləyəcəyini açıqlayıb. Darlin Qrehem hazırda Senatda müvəqqəti senator kimi fəaliyyət göstərir. Xüsusi Respublikaçı praymeri avqustun 11-də keçiriləcək.

ABŞ Senatında Demokratların lideri Çak Şumer Donald Trampın İran müharibəsi siyasətini tənqid edib. O, prezidentin aydın strategiya olmadan hərəkət etdiyini bildirib. Şumer Trampın əvvəlki səhvləri təkrarladığını iddia edib. Demokrat senator ABŞ-ın İran siyasətində çıxış yolunun görünmədiyini vurğulayıb. Onun sözlərinə görə, mövcud yanaşma əlavə risklər yaradır. Açıqlama ABŞ daxilində İranla bağlı hərbi addımlar ətrafında mübahisələrin artdığını göstərir.

ABŞ Nümayəndələr Palatası Prezident Donald Trumpın İrana qarşı hərbi əməliyyatlarının dayandırılmasını nəzərdə tutan qətnaməni qəbul edib. Qərar münaqişənin dördüncü ayına daxil olduğu və Vaşinqtonla Tehran arasında sülh danışıqlarının dalana dirəndiyi bir vaxtda qəbul olunub.

ABŞ Senatında keçirilən son səsvermə zamanı Demokratlar Partiyasının üzvləri İsrailə hərbi texnika və sursat tədarükünə qarşı genişmiqyaslı etiraz nümayiş etdiriblər. "Axios" saytının müxbirinin verdiyi məlumata görə, səsvermənin nəticələri partiya daxilində İsrailin hərbi əməliyyatlarına qarşı artan narazılığı ortaya qoyub.

AzerVoice xəbər verir ki, X sosial media hesabında yayımladığı videomüraciətdə senator Sanders Qəzzada davam edən humanitar böhranla bağlı kəskin açıqlamalar verib.