Bakı,AzerVoice

Qəzzadakı böhran yalnız müstəqil Fələstin dövlətinin yaradılması ilə həll edilə bilər, həll olunmamış Fələstin məsələsin Livan, Suriya və Yəməndə də zorakılığı artırır.

AzerVoice xəbər verir ki, Rusiya Xarici İşlər Nazirliyinin yaydığı bəyanata əsasən,Rusiya Xarici İşlər Naziri Sergey Lavrov Cənubi Afrikada G20 Xarici İşlər Nazirləri Toplantısında çıxış edərək, Qərbin çoxqütblü dünya nizamına qarşı çıxdığını və bunun beynəlxalq sabitliyi pozduğunu qeyd edib.

O, BMT qərarlarına baxmayaraq, müstəmləkəçilik təcrübələrinin hələ də davam etdiyini bildirib.

Lavrov qeyd edib ki, Fələstin məsələsinin həll olunmaması regionda gərginliyi artırır və bu problemin yeganə həlli iki dövlət modelidir.

Lavrov NATO-nun Avropada və Asiya-Sakit okean regionunda fəaliyyətinin böhranlara yol açdığını bildirib. Onun sözlərinə görə, Kiyevə nəzarətsiz silah və maliyyə yardımı münaqişəni uzadır, lakin əsas problemlərin həllinə ehtiyac var.

Lavrov Qərbin yeni güc balansını qəbul etməli olduğunu və beynəlxalq münasibətlərin yalnız BMT çərçivəsində həll edilməsinin vacibliyini vurğulayıb.