BAKI, AzerVoice, Nailə Babazadə

HƏMAS bildirib ki, İsrail ordusu Qəzzədəki atəşkəs razılaşmasını sistemli şəkildə pozur və vasitəçilərə dərhal müdaxilə, ABŞ-a isə İsrailin öhdəliklərini yerinə yetirməsini tələb etmək çağırışı edib.

AzerVoice xəbər verir ki,Açıqlamada qeyd olunub ki, İsrail ordusu Sarı Xətt boyunca hər gün qərbə doğru irəliləyərək işğalını genişləndirir. Bu səbəbdən bölgədə yeni kütləvi köçlər baş verir, Qəzzə Səhrasının şərq hissələrinə edilən hava hücumları və artilleriya atəşləri isə atəşkəsin açıq şəkildə pozulması deməkdir.

Hücumlar nəticəsində yüzlərlə insan həyatını itirib. İsrail ordusunun razılaşdırılmış xəritələrdə dəyişikliklər etməsi də vurğulanıb. HƏMAS, Netanyahu hökumətinin “razılaşmaya zidd yeni vəziyyət yaratmaq” cəhdlərini rədd etdiyini və vasitəçilərin dərhal müdaxilə etməsinin vacib olduğunu bildirib.

Açıqlamada həmçinin ABŞ-a İsrailin Qəzzədə atəşkəsi pozmaq cəhdlərinin qarşısını almaq və verdiyi öhdəlikləri yerinə yetirmək çağırışı edilib. Qeyd edək ki, atəşkəs və əsir mübadiləsi razılaşması 10 oktyabrda qüvvəyə minib, lakin İsrail ordusunun ara-sıra hücumları davam edir.