BAKI,VOA, Fərid Mikayılov

İranın xarici işlər naziri Seyid Abbas Əraqçi Qətərin mərhum keçmiş əmiri Şeyx Həməd bin Xəlifə Al Saninin vəfatı ilə əlaqədar başsağlığı vermək və Qətər rəsmiləri ilə yüksək səviyyəli görüşlər keçirmək üçün Dohaya yola düşüb.

VOA xəbər verir ki, İran Xarici İşlər Nazirliyinin məlumatına görə, səfərin əsas məqsədi Qətər rəhbərliyinə rəsmi başsağlığı çatdırmaq, həmçinin iki ölkə arasında münasibətlərə dair fikir mübadiləsi aparmaqdır.

Səfərdən əvvəl Seyid Abbas Əraqçi Qətər hökumətinə və xalqına ünvanladığı başsağlığı mesajında mərhum Şeyx Həməd bin Xəlifə Al Saninin vəfatından dərin kədər hissi keçirdiyini bildirib.

Nazir mesajında Qətərin əmiri Şeyx Təmim bin Həməd Al Saniyə, Al Sani hakim ailəsinə və Qətər xalqına səmimi başsağlığı verərək mərhumun Allahın rəhmətinə qovuşmasını, ailəsinə isə səbir diləyib.

İran Xarici İşlər Nazirliyi bildirib ki, Əraqçinin Dohadakı görüşləri çərçivəsində Qətər rəsmilərinə İran rəhbərliyinin başsağlığı və həmrəylik mesajları çatdırılacaq.

Qeyd edək ki, Qətərin keçmiş əmiri və hazırkı dövlət başçısı Şeyx Təmim bin Həməd Al Saninin atası Şeyx Həməd bin Xəlifə Al Sani uzun sürən xəstəlikdən sonra 74 yaşında vəfat edib.