BAKI,VOA,Yusif Şərifzadə
İran Xarici İşlər Nazirliyinin sözçüsü İsmayıl Bəqai Vaşinqton və Tehran arasında imzalanmış anlaşma memorandumunun icrası ilə bağlı son vəziyyət barədə açıqlama verib.
VOA xəbər verir ki, İsmayıl Bəqai bildirib ki, ABŞ memorandumun 10-cu maddəsi ilə bağlı zəruri icazələri verib. Onun sözlərinə görə, həmin maddə İran neftinin satışını əhatə edir və Tehran razılaşmanın icrasını diqqətlə izləyir.
Sözçü qeyd edib ki, İrana məxsus dondurulmuş maliyyə vəsaitlərinin azad edilməsi prosesi də davam edir.
İsmayıl Bəqai əlavə edib ki, tərəflər arasında yekun sazişlə bağlı danışıqlara hələ başlanılmayıb.
O vurğulayıb ki, ABŞ nümayəndələrinin Qətərə mümkün səfərinin İran nümayəndə heyətinin proqramı ilə heç bir əlaqəsi yoxdur.
Sözçünün sözlərinə görə, İran nümayəndə heyətinin Qətərə səfərinin yeganə məqsədi anlaşma memorandumunun, o cümlədən 11-ci maddənin icrasının gedişini izləməkdir.