BAKI,VOA, Fərid Mikayılov
İran Xarici İşlər Nazirliyinin sözçüsü İsmayıl Bəqaii bildirib ki, ABŞ Dövlət Katibi Marko Rubionun, Konqresdə çıxışı zamanı bir İran agentinin ABŞ Prezidenti Donald Tramp və digər yüksək səviyyəli amerikalı siyasətçilərə sui-qəsd planlamasından məhkum edildiyi yönündəki iddiaları yanlışdır.
VOA xəbər verir ki, o, ABŞ-ın İranla müharibə dövründə Minab və Lamerd şəhərlərində mülki əhaliyə qarşı törətdiyi hücumları xatırladıb.
“Məzlum rolunu oynamaq İran xalqına qarşı törədilən qorxunc hərbi və insanlığa qarşı cinayətləri ört-basdır etmir. Hər bir ittiham bir etirafdır” - deyə Bəqai bildirib.