İraq cənub neft yataqlarından xam neftin avtosisternlərlə daşınması yolu ilə Türkiyənin Ceyhan limanı vasitəsilə neft ixracının gündəlik 750 min barelə çatdırılması planlaşdırılır. Bu plan eyni zamanda cənub limanları vasitəsilə də ixracın artırılmasını əhatə edir. İraq və Türkiyə strateji əhəmiyyətli İraq-Türkiyə neft boru kəməri vasitəsilə əməliyyatların davam etdirilməsi məqsədilə birillik qısamüddətli saziş imzalayıblar.

Körfəzin ən çox itirən 4 ölkəsi - Hörmüz boğazı böhranı ən çox kimə zərbə vurdu?

Türkiyənin Enerji naziri Alparslan Bayraqdar və İraqın Neft naziri Bəsim Xudeyr arasındakı müzakirələrdən sonra Ankarada əldə edilən razılaşma İraq xam neftinin Türkiyənin Ceyhan limanına gündəlik ən azı 750 min barel həcmində fasiləsiz daşınmasına təminat verir.

Türkiyənin Boru Kəmərləri ilə Neft Daşıma Şirkəti (BOTAŞ) İraqın Neft Satışı üzrə Dövlət Təşkilatı (SOMO) və Şimal Neft Şirkəti (NOC) ilə müvafiq müqavilə imzalayıb.

Yeni müqavilə hər iki ölkə uzunmüddətli yeni qanunvericilik çərçivəsi formalaşdırana qədər 12 ay müddətində qüvvədə qalacaq.

1973-cü ildə əldə olunmuş əvvəlki sazişin hüquqi müddəti iyulun 27-də rəsmən başa çatıb.

Hörmüz boğazı ilə bağlı risklərin azaldılması məqsədilə alternativ ixrac marşrutlarının axtarıldığı bir dövrdə, sazişin uzadılması İraqın neft ixracı gəlirlərinin qorunması üçün mühüm əhəmiyyət daşıyır.