BAKI,VOA, Nailə Babazadə

İran Xarici İşlər Nazirliyinin sözçüsü İsmayıl Bəqayi Tehran rəhbərliyinin Amerika Birləşmiş Ştatları ilə keçirilməsi planlaşdırılan ikinci raund danışıqlara qatılmaq üçün hələlik qəti bir qərar qəbul etmədiyini açıqlayıb.

VOA xəbər verir ki,Bəqayi mövzu ilə bağlı verdiyi bəyanatda hazırda müzakirə mərhələsinin davam etdiyini vurğulayıb.

Sözçü qeyd edib ki bu addımın ölkənin milli maraqlarına tam uyğun olduğu qənaətinə gəlinərsə İran nümayəndə heyəti İslamabada yola düşəcək. Digər tərəfdən bəzi media qurumlarında İsmayıl Bəqayinin Pakistan vasitəsilə çatdırılan və Donald Trampın atəşkəsi uzatma təklifini Tehranın qəbul etdiyinə dair iddialar yayılıb. Lakin nazirlik rəsmisi tərəfindən bu ifadələrin işlədilməsi ilə bağlı heç bir rəsmi təsdiq verilməyib.

Bununla yanaşı İranın Tesnim Xəbər Agentliyi də yaydığı məlumatda rəsmi Tehranın atəşkəs müddətinin artırılması ilə bağlı indiyə qədər hər hansı rəsmi mövqe açıqlamadığını bildirib. Bu qeyri müəyyənlik bölgədəki gərginliyin azaldılması üçün Pakistanın vasitəçiliyi ilə aparılan diplomatik səylərin həlledici mərhələyə qədəm qoyduğunu göstərir.