BAKI,VOA, Fərid Mikayılov
İrana məxsus neft tankeri Ərəb dənizi üzərindən keçərək ölkənin ərazi sularına daxil olub.
VOA xəbər verir ki, İran ordusunun açıqlamasına görə, bu keçid bölgədə tətbiq edilən dəniz mühasirəsinə baxmayaraq həyata keçirilib.
Bildirilib ki, tankerin təhlükəsiz hərəkəti İran Hərbi Dəniz Qüvvələri tərəfindən birbaşa müşayiət olunub və əməliyyat tam nəzarət altında həyata keçirilib.
Məlumata görə, ABŞ Prezidenti Donald Tramp administrasiyası tərəfindən tətbiq edilən dəniz blokadası İranın neft ixracını məhdudlaşdırmaq məqsədi daşıyır.
Ekspertlər hesab edir ki, tankerin mühasirəni yararaq keçməsi Tehran tərəfindən həm iqtisadi, həm də hərbi güc nümayişi kimi qiymətləndirilə bilər.