BAKI,VOA
ABŞ prezidenti Donald Tramp NATO ilə bağlı sərt açıqlama verib. Onun sözlərinə görə, alyans indiyə qədər ABŞ-ın yanında olmayıb və gələcəkdə də olmayacaq.
VOA xəbər verir ki, Tramp Vatikan Papasına müraciət edərək bildirib ki, İrana nüvə bombasına sahib olmağa icazə vermək əsla qəbul edilə bilməz.
“ABC News” telekanalına verdiyi müsahibədə Tramp vurğulayıb ki, razılaşmaya nail olmaq ən yaxşı seçimdir, çünki bu, İrana yenidən qurulmaq imkanı verəcək. O, atəşkəsin uzadılmasını düşünmədiyini, bunun zəruri olmadığını və qarşıdakı iki günün “möhtəşəm” olacağını söyləyib.
Prezident İranın indiki vəziyyətinə toxunaraq qeyd edib ki, ölkə indi fərqli bir sistemə malikdir və radikallar aradan götürülüb. Tramp həmçinin öz liderliyinin əhəmiyyətini vurğulayıb.
“Əgər mən ABŞ prezidenti olmasaydım, dünya parçalanardı.”-deyə o qeyd edib.