BAKI,VOA, Fərid Mikayılov
Ankara Qərb Respublika Prokurorluğunun Etimesqut Bələdiyyəsində apardığı korrupsiya istintaqı çərçivəsində həbs olunan bələdiyyə sədri Erdal Beşikçioğlunun marixuana testinin müsbət nəticə verdiyi bildirilir.
VOA xəbər verir ki, Beşikçioğlu barəsində daxil olmuş müraciətlər əsasında onun narkotik vasitə istifadə edib-etmədiyini müəyyənləşdirmək üçün qan, sidik və saç nümunələri götürülüb.
Aparılan laborator müayinələrin nəticəsində marixuana testinin müsbət çıxdığı qeyd olunub.
Bununla yanaşı, məlumatda bildirilir ki, Erdal Beşikçioğlu 2014-cü ildə Ankara Respublika Prokurorluğunda verdiyi ifadəsində marixuanadan istifadə etdiyini etiraf edib.
"Marixuana istifadə etdiyim üçün peşmanam, bir daha istifadə etməyəcəyəm", – deyə onun həmin ifadəsində bildirdiyi vurğulanıb.
Qeyd edək ki, Erdal Beşikçioğlu Ankara Qərb Respublika Prokurorluğunun Etimesqut Bələdiyyəsində apardığı korrupsiya istintaqı çərçivəsində həbs olunub.