BAKI,VOA, Fərid Mikayılov
Yəmən Silahlı Qüvvələri Səudiyyə Ərəbistanının Nəcran hava limanındakı həssas hədəfə pilotsuz uçuş aparatı (PUA) ilə zərbə endirdiyini bəyan edib.
VOA xəbər verir ki, əməliyyatın Yəmənin Səada və Həccə əyalətlərinin hava məkanının Səudiyyə Ərəbistanı tərəfindən pozulmasına cavab olaraq həyata keçirildiyi bildirilib.
Yəmən Silahlı Qüvvələrinin sözçüsü, briqada generalı Yəhya Səri əməliyyatın hədəfi dəqiq vurduğunu iddia edib.
O, həmçinin xəbərdarlıq edərək bildirib ki, Yəmənin hava məkanının növbəti dəfə pozulması "cavabsız və cəzasız qalmayacaq".
Qeyd edək ki, Səudiyyə Ərəbistanı tərəfi hələlik hücum və ya onun nəticələri ilə bağlı rəsmi açıqlama verməyib.