BAKI,VOA Orxan Qədirzadə

Türkiyə Prezidenti Rəcəb Tayyib Ərdoğan Ankarada keçirilən NATO Dövlət və Hökumət Başçılarının 36-cı Zirvə toplantısı çərçivəsində Kanadanın Baş naziri Mark Karni ilə görüş keçirib.

Görüşdə Türkiyə–Kanada ikitərəfli münasibətləri, eləcə də regional və qlobal gündəlikdə duran məsələlər müzakirə olunub.

Rəcəb Tayyib Ərdoğan bildirib ki, yeni dövrdə Türkiyə ilə Kanada arasında ticarət, təhlükəsizlik, müdafiə sənayesi və energetika başda olmaqla müxtəlif sahələrdə əməkdaşlığın genişləndirilməsi hər iki ölkənin maraqlarına cavab verir və mövcud əməkdaşlıq potensialından daha səmərəli istifadə edilməlidir.

Türkiyə Prezidenti vurğulayıb ki, Ankara NATO-nun Avropa sütununun gücləndirilməsini dəstəkləyir. Bununla yanaşı, o qeyd edib ki, bu proses Transatlantik əlaqələri əvəz etməməlidir.

Ərdoğan həmçinin Avropa İttifaqına üzv olmayan NATO müttəfiqlərinin də Avropa İttifaqının müdafiə təşəbbüslərinə cəlb edilməsinin vacibliyini bildirib.

Prezidentlərin iqamətgahında keçirilən görüş mətbuata qapalı formatda baş tutub.