BAKI,VOA, Fərid Mikayılov
Türkiyənin xarici işlər naziri Hakan Fidan Yaxın Şərqdəki vəziyyətlə bağlı açıqlamalar verib.
VOA xəbər verir ki, Hakan Fidan Qətərin xarici işlər naziri Məhammed bin Əbdulrəhman Al Tani ilə keçirdiyi birgə mətbuat konfransında İsrailin yayılma siyasətinin region üçün əsas təhlükəsizlik və sabitlik problemi olaraq qaldığını bildirib.
Məlumata görə, Türkiyə XİN rəhbəri Körfəz bölgəsində yaşanan gərginliyin Qəzza məsələsini gündəmdən çıxarmamalı olduğunu vurğulayıb.
Bildirilib ki, tərəflər müharibənin dayandırılması və Hörmüz boğazının yenidən açılmasının vacibliyi ilə bağlı ortaq mövqe nümayiş etdiriblər.
Hakan Fidan qeyd edib ki, Hörmüz boğazının təzyiq vasitəsinə çevrilməməsi və keçid təhlükəsizliyinin təmin olunması regional və qlobal sabitlik baxımından mühüm əhəmiyyət daşıyır.