BAKI,VOA, Nailə Babazadə
Türkiyənin Daxili İşlər naziri Mustafa Çiftçi Kahramanmaraş şəhərindəki orta məktəblərin birində 14 yaşlı şagird tərəfindən törədilən silahlı hücum nəticəsində 8-i şagird, 1-i müəllim olmaqla 9 nəfərin həyatını itirdiyini, 13 nəfərin isə yaralandığını açıqlayıb.
VOA xəbər verir ki, hadisə ilə əlaqədar Türkiyənin Daxili İşlər, Ədliyyə, Milli Təhsil və Səhiyyə nazirləri dərhal bölgəyə gedərək Kahramanmaraş Universiteti Xəstəxanasının qarşısında birgə bəyanatla çıxış ediblər.
Nazir Mustafa Çiftçi bildirib ki, hadisə saat 13.30 radələrində, dərslərin növbəli dəyişməsi zamanı baş verib. Atəş açan şəxs həmin məktəbin 8-ci sinif şagirdidir və o, evdən gətirdiyi odlu silahlarla iki fərqli sinfə girərək rastgele atəş açıb. Hazırda yaralılardan 6-sı reanimasiyadadır və onlardan 3-nün vəziyyəti kritik olaraq qalır. Türkiyənin aidiyyəti qurumları hadisənin səbəblərini araşdırmaq üçün genişmiqyaslı istintaq tədbirlərinə başlayıb.