BAKI,VOA, Nailə Babazadə
Türkiyənin Xarici İşlər naziri Hakan Fidan pakistanlı həmkarı Məhəmməd İshaq Dar ilə telefon danışığı aparıb.
VOA xəbər verir ki, Türkiyə Xarici İşlər Nazirliyindəki mənbələrdən əldə edilən məlumata görə, danışıqlar zamanı ABŞ və İran arasında gedən sülh müzakirələri əsas müzakirə mövzusu olub.
Nazirlər həmçinin regionda sabitliyin təmin olunması üçün yaxın günlərdə atılacaq növbəti diplomatik addımları dəyərləndiriblər. Bu təmas, ABŞ Prezidenti Donald Trampın İranla yeni danışıqların Pakistanda keçirilə biləcəyinə dair verdiyi açıqlamalardan sonraya təsadüf edir.