BAKI, AzerVoice, Səməd Əyyubov
Türkiyədə 6,1 bal gücündə baş verən zəlzələ Balıkesir vilayəti ilə yanaşı İzmir, Kütahya, Yalova, İstanbul, Manisa, Uşak, Aydın, Eskişehir, Sakarya və Tekirdağ vilayətlərində də hiss olunub.
AzerVoice xəbər verir ki, zəlzələnin episentrinin yerləşdiyi Sındırqı rayonundada bir binanın dağıldığı bildirilib.
Türkiyənin Daxili İşlər naziri Ali Yerlikaya sosial şəbəkədə verdiyi açıqlamada, hazırda hər hansı mənfi vəziyyətin olmadığını bildirib. Onun sözlərinə görə, Türkiyənin Fövqəladə Halların İdarəolunması Agentliyi (AFAD) və digər aidiyyəti qurumların bütün qrupları dərhal əraziyə cəlb olunaraq yoxlama işlərinə başlayıb.
Qeyd edək ki, bu gün Türkiyənin Balıkesir vilayətində yerli vaxtla saat 19:53-də 6,1 maqnitudalı zəlzələ baş verib. Yeraltı təkanların ocağı Balıkesirin Sındırqı rayonunda 11 km dərinlikdə yerləşib.