BAKI, AzerVoice, Zeynəb Raminqızı

Türkiyə Böyük Millət Məclisində (TBMM) yaradılan və terrorla mübarizəyə dair strateji təklifləri araşdıracaq “Terrorsuz Türkiyə” Komissiyası sabah, avqustun 5-də yerli saatla 11:00-da ilk iclasını keçirəcək.

AzerVoice xəbər verir ki, Türkiyə Böyük Millət Məclisi tərəfindən yaradılan “Terrorsuz Türkiyə” Komissiyası sabah ilk iclasını keçirəcək.

Komissiyanın əsas məqsədi terrorla mübarizə sahəsində hüquqi və sosial yanaşmaları geniş müzakirə etmək, partiyaların, vətəndaş cəmiyyəti qurumlarının və cəmiyyətin müxtəlif təbəqələrinin təkliflərini qiymətləndirməkdir.

Komissiyanın tərkibi artıq formalaşıb. Ədalət və İnkişaf Partiyası(AK Partiya) 21, Cümhuriyyət Xalq Partiyası(CHP) isə 10 nəfərlik nümayəndə siyahısı təqdim edib. MHP və DEM Partiyası hər biri 4 üzvlə təmsil olunacaq. Ümumilikdə 47 nəfərdən ibarət olacaq komissiyada yalnız İYİ Partiyası iştirak etməyəcək.

İclas mətbuata qapalı keçiriləcək. Bütün çıxışlar və müzakirələr protokolla qeydə alınacaq. Komissiya daxilində qəbul olunacaq qərarlar üçün beşdə üç — yəni ən azı 32 nəfərin razılığı tələb olunacaq.

Sabahkı iclasda komissiyanın rəsmi adının müəyyənləşdirilməsi və iş qaydalarının təsdiqlənməsi gözlənilir. Daha sonra gündəlik plan və tematik dinləmələr təyin ediləcək.