Türkiyədə Cümhuriyyət Xalq Partiyasında (CHP) yeni siyasi partiyanın yaradılması ilə bağlı müzakirələr davam edərkən, partiya daxilində keçidlərlə bağlı yeni iddialar gündəmə gəlib. Türkiyə mətbuatının yaydığı məlumata görə, CHP sədri Kemal Kılıçdaroğluna yaxın bəzi millət vəkilləri yeni siyasi quruma keçməkdə tərəddüd edən deputatların partiyada qalması üçün onun şəxsi təşəbbüs göstərməsini istəyiblər.

Türkiyədə Cümhuriyyət Xalq Partiyasında (CHP) yaşanan parçalanma fonunda partiya sədri Kemal Kılıçdaroğlu, yeni siyasi partiya yaradacağını açıqlayan Özgür Özəllə bağlı tərəfdarlarına mühüm göstəriş verib. Türkiyə mətbuatının yaydığı məlumata görə, Kılıçdaroğlu Özgür Özəlin CHP-dən ayrılaraq yeni siyasi təşkilat yaratmaq qərarından sonra onu dəstəkləyən millət vəkilləri ilə qapalı toplantı keçirib. Görüşdə partiyanın bundan sonrakı fəaliyyət istiqamətləri, CHP-də qalacaq və ayrılacaq deputatlarla bağlı yol xəritəsi müzakirə olunub.

Türkiyədə Cümhuriyyət Xalq Partiyasının (CHP) Qrup rəhbəri Özgür Özəlin yeni siyasi partiya yaradacağını bəyan etməsindən sonra partiya daxilində siyasi mövqelərlə bağlı müzakirələr davam edir. Keçmiş Adana Böyükşəhər Bələdiyyə Başçısı Zeydan Karalar yeni siyasi quruma qoşulmayacağını açıqlayıb.

Türkiyədə ana müxalifət partiyası olan Cümhuriyyət Xalq Partiyasının (CHP) Qrup rəhbəri Özgür Özel yeni siyasi partiya yaradacaqlarını açıqlayıb. Həmçinin o, partiyanın ideoloji xəttinə sadiq qalacaqlarını da vurğulayıb.

Türkiyənin Cümhuriyyət Xalq Partiyasının (CHP) Qrup rəhbəri Özgür Özel partiyasının Türkiyə Böyük Millət Məclisində (TBMM) keçirilən qrup toplantısında vida xarakterli çıxış edib.

Türkiyə Prezidenti Rəcəb Tayyib Ərdoğan Nazirlər Kabinetinin iclasından sonra etdiyi çıxışda ölkədə ictimai sabitliyin qorunmasının vacibliyini vurğulayaraq, küçə qarşıdurmalarına və cəmiyyətdə gərginlik yaradılmasına imkan verilməyəcəyini bildirib. Prezident çıxışında qarşıdan gələn bayram günlərinin milli birlik və həmrəyliyin möhkəmləndirilməsi baxımından mühüm əhəmiyyət daşıdığını qeyd edib. Onun sözlərinə görə, bayramlar milyonlarla insanın eyni duyğu və dəyərlər ətrafında birləşdiyi xüsusi dövrlərdir.

Türkiyənin Cumhuriyyət Xalq Partiyasında (CHP) məhkəmə qərarı ilə 38-ci Ümumi Qurultay ləğv edilib. Qərara əsasən, Özgür Özel və partiya rəhbərliyi müvəqqəti olaraq vəzifədən uzaqlaşdırılıb, Kemal Kılıçdaroğlu və rəhbərliyi isə partiya işlərini yenidən idarə edəcək. Bu qərar CHP-də daxili strukturun yenidən tənzimlənməsinə gətirib çıxaracaq.

Özgür Özəl barədə Türkiyədə “halkı yanıltıcı bilgiyi alenen yayma” ittihamı ilə istintaq başlanıb. Hadisə 8 may 2026-cı il tarixində televiziya proqramında Özgür Özəlin Akın Gürlək barəsində səsləndirdiyi fikirlərlə bağlıdır. Prokurorluq həmin açıqlamaların ictimai qaydanı poza biləcək, ictimai sülhə təsir göstərə biləcək və həqiqəti əks etdirməyən xarakter daşıdığını bildirib.

Türkiyə müxalifəti ABŞ-ın xüsusi elçisi Tom Baraka qarşı kəskin hücuma keçib. Buna səbəb Brakın Yaxın Şərqdə yalnız "güclü liderliyi olan rejimlərin" uğur qazandığını deməsi və Türkiyə ilə İsrail arasındakı alyansın bölgənin rifahı üçün yeganə yol olduğunu iddia etməsidir.

Türkiyə Prezidenti Rəcəb Tayyib Ərdoğan sosial şəbəkə hesabında etdiyi paylaşımda CHP rəhbərliyini kəskin tənqid edib. Ərdoğan bildirib ki, CHP sədri həqiqətən millətə və qadınlara fayda vermək istəyirsə, nazirlik adları ilə uğraşmağı dayandırıb partiyasını "xərçəng hüceyrəsi kimi saran" korrupsiya, rüşvət və taciz skandalları ilə məşğul olmalıdır. Prezident qeyd edib ki, əgər CHP sədri yeni bir struktur qurmaq istəyirsə, təcili olaraq partiya daxilində "korrupsiyadan təmizlənmə şöbəsi" yaratmalıdır.

Korrupsiya və rüşvət ittihamları üzrə aparılan istintaq çərçivəsində saxlanılan Bursa Böyükşəhər Bələdiyyə Başçısı Mustafa Bozbey barəsində məhkəmə tərəfindən həbs qətimkan tədbiri seçilib. İstintaqın detalları ilə bağlı rəsmi açıqlamaların davam edəcəyi bildirilir.

Türkiyə Prezidenti Rəcəb Tayyib Ərdoğan müxalifətin son davranışlarını kəskin tənqid edərək, hakim partiyanın və Cumhur İttifaqının ölkədə siyasi sabitliyin əsas dayağı olduğunu bildirib. Ərdoğan qlobal geosiyasi qeyri-müəyyənliklərin artdığı bir dövrdə Türkiyənin sabitliyinin məhz mövcud siyasi ittifaqla təmin olunduğunu bildirib. Onun sözlərinə görə, beynəlxalq sistemdə qaydalar dəyişir, yeni böhranlar yaranır və belə şəraitdə təcrübəli və peşəkar kadrların idarəçilikdə olması mühüm əhəmiyyət daşıyır.