BAKI, AzerVoice
Türkiyə Prezidenti Rəcəb Tayyib Ərdoğan bu gün Milliyyətçi Hərəkat Partiyasının (MHP) sədri Dövlət Bahçeli ilə görüş keçirəcək.
AzerVoice xəbər verir ki, görüş Bahçelinin Ankaradakı iqamətgahında baş tutacaq.
Məlumatı Prezident Administrasiyasının Kommunikasiya İdarəsinin rəhbəri Fahrettin Altun sosial media hesabında paylaşıb.
“Rəcəb Tayyib Ərdoğan bu gün Milliyyətçi Hərəkat Partiyasının sədri cənab Devlet Bahçelini ziyarət edəcək. Görüş cənab Bahçelinin Ankaradakı iqamətgahında keçiriləcək”- deyə paylaşımda qeyd olunub.
Görüşün gündəliyinə dair əlavə məlumat verilməsə də, siyasi analitiklər bu görüşün hakim koalisiya daxilindəki münasibətlər, yeni qanunvericilik təşəbbüsləri və ölkə gündəmindəki əsas məsələlərlə bağlı fikir mübadiləsi çərçivəsində baş tutacağını ehtimal edirlər.