Türkiyə Prezident Administrasiyasının Kommunikasiya İdarəsi nəzdində fəaliyyət göstərən Dezinformasiya ilə Mübarizə Mərkəzi iyirmi üç aprel Milli Suverenlik və Uşaq Bayramı şənlikləri zamanı Türk bayrağına hörmətsizlik edildiyi barədə sosial mediada yayılan iddiaların tamamilə yalan olduğunu bildirib. Mərkəzin rəsmi açıqlamasında Kocaeli vilayətinin Körfəz rayonunda yerləşən Alparslan Türkeş stadionundakı proqram çərçivəsində nəhəng bayram xoreoqrafiyasının nümayiş olunduğu qeyd edilib.

Türkiyə Prezident Administrasiyasının Kommunikasiya İdarəsinin rəhbəri Burhanettin Duran sosial media hesabında Prezident Rəcəb Tayyib Ərdoğanın 5-ci Antalya Diplomasi Forumundakı çıxışı ilə bağlı mühüm paylaşım edib. Duran, Türkiyənin böhranların həllində qurucu rol üstlənərək, ədalət və tarazlığı qorumaqla qlobal sülhə töhfə verməyə qətiyyətlə davam edəcəyini vurğulayıb.

Türkiyə Prezidenti Rəcəb Tayyib Ərdoğan iranlı həmkarı Məsud Pezeşkian ilə telefon danışığı aparıb. Türkiyə Prezident Administrasiyasının yaydığı rəsmi məlumata görə, Ərdoğan regionda sabitliyin təmin olunması üçün diplomatik fürsətlərin vacibliyini vurğulayıb. Prezident Ərdoğan danışıq zamanı qeyd edib ki, hazırda davam edən sülh danışıqlarından regionda daimi sülh və sabitliyə nail olmaq üçün maksimum dərəcədə istifadə edilməlidir.

Türkiyə Prezident Administrasiyasının Kommunikasiya rəhbəri Burhanettin Duran ölkəsinin NATO daxilində strateji əhəmiyyətini vurğulayıb.

Türkiyə Prezidenti Administrasiyasının Kommunikasiya İdarəsinin məlumatına əsasən, Prezident Rəcəb Tayyib Ərdoğan və Pakistanın Baş naziri Şahbaz Şərif arasında regionun gələcəyi üçün böyük əhəmiyyət kəsb edən telefon danışığı baş tutub. Liderlər İranla bağlı əldə olunmuş atəşkəs prosesini və son beynəlxalq hadisələri ətraflı müzakirə ediblər.

Türkiyə Prezidenti Administrasiyasının Kommunikasiya İdarəsinin məlumatına görə, Prezident Rəcəb Tayyib Ərdoğan və İspaniyanın Baş naziri Pedro Sançez arasında telefon danışığı baş tutub. Görüş zamanı liderlər ikitərəfli əlaqələrlə yanaşı, regional və qlobal məsələləri ətraflı müzakirə ediblər. Prezident Ərdoğan Türkiyə və İspaniyanın müdafiə sənayesi başda olmaqla hər sahədə nümayiş etdirdiyi həmrəyliyin hər iki xalq tərəfindən məmnuniyyətlə qarşılandığını və bu münasibətləri daha da inkişaf etdirməyi hədəflədiklərini bildirib.

Türkiyə sabah 5G texnologiyasına keçid prosesinə start verəcək. Onun sözlərinə görə, “Türkiyə Yüzyılı” çərçivəsində kommunikasiya sahəsində güclü, təhlükəsiz və müstəqil sistemin qurulması prioritet hesab olunur. Bu istiqamətdə 5G texnologiyası məlumatın sürətli, təhlükəsiz və fasiləsiz ötürülməsini təmin edən əsas infrastruktur kimi önə çıxır.

Türkiyə Prezident Administrasiyasının Kommunikasiya İdarəsi nəzdində fəaliyyət göstərən Dezenformasiya ilə Mübarizə Mərkəzi (DMM), son günlər nazirliklərə edilən yeni təyinatlarla bağlı yaranan şayiələrə aydınlıq gətirib. Sosial media üzərindən yayılan və regional gərginlikləri əsas gətirərək "ölkənin müharibəyə hazırlaşdığı" yönündəki iddiaların heç bir həqiqəti əks etdirmədiyi rəsmən bəyan edilib.

Türkiyə Prezident Administrasiyasının Kommunikasiya idarəsinin rəhbəri Burhanəddin Duran regionda baş verən son hadisələrdən sonra Türkiyəni hədəf alan dezinformasiya və psixoloji əməliyyat fəaliyyətlərinə qarşı qətiyyətli addımların atıldığını açıqlayıb. Duran bildirib ki, xüsusilə İrana qarşı hərbi əməliyyatların başladığı ilk anlardan etibarən bəzi sosial media hesabları vasitəsilə cəmiyyətdə qorxu, təşviş və inamsızlıq yaratmaq məqsədilə sistemli paylaşımlar edildiyi müəyyən olunub. Bu rəqəmsal manipulyasiya cəhdlərinin qarşısını almaq məqsədilə daxili cəbhəni hədəf alan 41 sosial media hesabına (X, Facebook və Instagram) giriş məhdudlaşdırılıb, həmçinin 75 provokativ məzmun rəqəmsal platformalardan tamamilə silinib.

Türkiyə Prezident Administrasiyasının Kommunikasiya İdarəsinin Dezinformasiya ilə Mübarizə Mərkəzi (DMM), bəzi sosial media hesablarında paylaşılan "Birləşmiş Ərəb Əmirlikləri (BƏƏ) İrana hücum edərsə, Türkiyə üçün qanuni hədəf olacaq" şəklindəki iddiaların həqiqəti əks etdirmədiyini açıqlayıb. Mərkəzin sosial şəbəkə hesabından edilən rəsmi açıqlamada bildirilir ki, Türkiyə Respublikasının dövlət qurumları tərəfindən bu yöndə heç bir bəyanat və ya qiymətləndirmə verilməyib.

Türkiyə Prezident Administrasiyasının Kommunikasiya idarəsinin rəhbəri Burhanettin Duran BMT Təhlükəsizlik Şurasının 2803 saylı qərarı ilə ABŞ Prezidenti Donald Tramp tərəfindən açıqlanan Qəzza münaqişəsinə son qoymaq üçün Kompleks Planın dəstəklənməsinə qərar verildiyini xatırladıb. Bu çərçivədə Qəzzada təhlükəsizliyin təmin edilməsi və bölgənin yenidən qurulmasından məsul olacaq Sülh Şurası və müvafiq qurumların təsis edildiyi bildirilib.

Türk dili yalnızca bir ünsiyyət vasitəsi deyil, ortaq dəyərlərimizin və mədəniyyətimizin daşıyıcısıdır. Bu barədə Türkiyə Prezidenti Administrasiyasının İctimaiyyətlə Əlaqələr Departamentinin rəhbəri Burhanettin Duran sosial media hesabında paylaşım edib. Duran mesajında bildirib ki, Türk dili əsrlərdir qardaş xalqlar arasında bir körpü rolunu oynayır və ortaq tariximizin, mədəniyyətimizin ən güclü təməl daşlarından biridir. Anadoludan Orta Asiyaya, Qafqazdan Balkanlara, Aralıq dənizindən Xəzər bölgəsinə qədər eyni dili danışan bütün qardaş xalqları salamlayır.