Türkiyənin Milliyyətçi Hərəkat Partiyasının (MHP) sədri Devlet Bahçeli Türkiyə Böyük Millət Məclisində keçirilən partiya qrup iclasında çıxış edərək ölkənin daxili və xarici siyasət gündəminə dair geniş açıqlamalar verib. Bahçeli çıxışında Türkiyənin geosiyasi mövqeyi, xarici siyasət prioritetləri, Kipr məsələsi, terrorla mübarizə və iqtisadi hədəflər daxil olmaqla bir çox istiqamətdə mesajlar səsləndirib. O, milli birlik və səfərbərlik çağırışı edərək Türkiyənin regional güc roluna diqqət çəkib

Türkiyə Prezident Administrasiyasının Kommunikasiya idarəsinin rəhbəri Burhanettin Duranın sosial media hesabında paylaşdığı məlumata görə, Prezident Rəcəb Tayyib Ərdoğan MHP lideri Devlet Bahçelini qəbul edəcək. Görüş bu gün saat 17:30-da Prezident iqamətgahında baş tutacaq. Görüşdə aktual siyasi məsələlərin və "Cumhur İttifaqı"nın gələcək fəaliyyət istiqamətlərinin müzakirə olunacağı gözlənilir.

Türkiyə Böyük Millət Məclisinin sədri Numan Kurtulmuş, Türkiyə Milliyətçi Hərəkat Partiyası sədri Devlet Bahçeli ilə parlamentdəki kabinetində bir araya gəlib. Təxminən 30 dəqiqə davam edən qapalı görüşdən sonra mətbuata açıqlama verən Kurtulmuş, bu ziyarətin əsas məqsədinin "Terrorsuz Türkiyə" hədəfi çərçivəsində yaradılan Milli Həmrəylik, Qardaşlıq və Demokratiya Komissiyasının işinə verdiyi dəstəyə görə Bahçeliyə təşəkkür etmək olduğunu bildirib. O, komissiyada təmsil olunan digər siyasi partiyaların rəhbərləri ilə də görüşlərini davam etdirəcəyini vurğulayıb.

Türkiyə Prezidenti Recep Tayyip Ərdoğan, bu gün Milliyyətçi Hərəkat Partiyası (MHP) rəhbəri Devlet Bahçelini qəbul edəcək. Görüşdə iki liderin Türkiyənin daxili siyasəti və qarşıdakı strateji məsələləri müzakirə etməsi gözlənilir. Sosial şəbəkələrdə yayılan məlumatlarda vurğulanır ki, bu görüş hökumət-milli ittifaqların koordinasiyası və strateji qərarların qəbul edilməsində önəmli rol oynayacaq.

MHP sədri Devlet Bahçeli partiyasının TBMM-dəki qrup toplantısında çıxış edərək Suriyadakı son hadisələr və daxili təhlükəsizlik məsələləri ilə bağlı mühüm bəyanatlar verib. Bahçeli Dəməşq və Ankara arasındakı təhlükəsizlik əlaqəsinin strateji əhəmiyyətini vurğulayaraq Suriya xalqının birliyinin Türkiyə üçün vacib olduğunu bildirib. MHP lideri Suriyada baş verən son siyasi və hərbi dəyişikliklərin həm bölgə ölkələri, həm də Türkiyə üçün son dərəcə əhəmiyyətli olduğunu qeyd edib. "Dəməşqin təhlükəsizliyi Ankaranın təhlükəsizliyidir. Suriya xalqının səadəti, rifahı və birliyi Türk milləti ilə birdir və eynidir" deyən Bahçeli regiondakı sabitliyin birbaşa Türkiyənin milli maraqlarına təsir etdiyini vurğulayıb.

MHP sədri Devlet Bahçeli partiyasının Türkiyə Böyük Millət Məclisindəki qrup toplantısında çıxış edərək İrandakı hadisələrin və ölkənin ərazi bütövlüyünün əhəmiyyətinə toxunub. Devlet Bahçeli İranın ərazi bütövlüyünün bölgə üçün həyati önəm daşıdığını vurğulayıb. O bildirib ki, İranda baş verən hər hansı bir narahatlıq və sabitliyin pozulması həm Türkiyəni, həm də bütün regionu birbaşa təhdid edir. MHP lideri İrana müdaxilə etmək istəyənlərin niyyətlərinin bəlli olduğunu və bu təhdidlərin Türkiyə üçün tanış ssenarilər olduğunu qeyd edib.

Vəzifəsindən azad olunan Əsənyurt Bələdiyyə Başçısı Ahmet Özər, Millətçi Hərəkat Partiyasının sədri Devlet Bahçeli ilə görüşüb. Görüşdən sonra açıqlama verən Özər bildirib ki, Bahçeliyə sülh prosesinə verdiyi səmimi və fədakar töhfələr üçün təşəkkür edib. Özər həmçinin bildirib ki, iddiaların cəzaya çevrilməməsi və müvəqqəti idarəçi tətbiqinin sona çatması prosesi dəstəkləyə bilər. O, əvvəlki mərhələdə Aziz İhsan Aktaş ilə bağlı istintaqda tutulmuş və təxminən bir ay əvvəl azad edilmişdi.

Türkiyənin Milliyyətçi Hərəkat Partiyasının (MHP) sədri Dövlət Baxçalı terrordan azad Türkiyə hədəfinə nail olmaq üçün iradəli olduqlarını vurğulayıb. O bildirib ki, terror problemini həll etməklə həm Türkiyə, həm də türk xalqı qazanacaq və prosesə mane olmaq istəyənlərə sərt reaksiya göstərəcək. “Şəhid ailələrimiz narahat olmasın, qazilərimiz qorxuya düşməsin. Heç vaxt başlarını aşağı etməyəcəyik. Bizim heç bir bazarlığımız yoxdur və Türkiyənin suverenliyini zədələyəcək hər hansı yanlış addımda yer almarıq”, – Bahçeli qeyd edib.

Türkiyə Prezidenti Rəcəb Tayyib Ərdoğan bu gün saat 18:00-də Milliyyətçi Hərəkat Partiyasının (MHP) sədri Dövlət Bahçeli ilə görüşəcək. Türkiyə Prezident Administrasiyasının Kommunikasiya Başçısı Burhanettin Duran sosial şəbəkə hesabında verdiyi açıqlamada bildirib ki, görüş Dövlət Bahçelinin Ankaradakı mənzilində baş tutacaq. Duran görüşün təfərrüatlarına dair əlavə məlumat verməsə də, görüşün ölkədəki siyasi proseslər və tərəfdaşlıq məsələləri ilə bağlı müzakirələri əhatə edəcəyi ehtimal olunur. Prezident Ərdoğanın MHP sədri ilə planlaşdırılan görüşləri tez-tez siyasi məsləhətləşmə və strateji məsələlərin müzakirəsi məqsədilə təşkil olunur.

Edirne cəzaçəkmə müəssisəsində olan HDP-nin keçmiş həmsədri Selaheddin Demirtaş, onunla bağlı Avropa İnsan Hüquqları Məhkəməsinin qərarını dəyərləndirən MHP sədri Devlet Bahçelinin açıqlamasına münasibət bildirib.

Millətçi Hərəkat Partiyasının (MHP) sədrı Devlet Bahçeli, partisinin Türkiyə Böyük Millət Məclisində keçirilən qrup iclasında çıxış edərək, MHP ilə İttifaq arasında “Terrorsuz Türkiyə” hədəfi ətrafında heç bir fikir ayrılığı və siyasi mübahisənin olmadığını bildirib. Bahçeli çıxışında İsrailin Qəzza bölgəsində soyqırımı davam etdirdiyini, ateşkəs qərarından bəri 254 müdafiəsiz insanın həyatını itirdiyini və İsrailin öhdəliklərinə etibar edilmədiyini qeyd edib. O bildirib ki, İsrail soyqırımı ilə bağlı qərarlardan şəxsi maraqlar üçün istifadə edir.

Milliyyətçi Hərəkat Partiyasının (MHP) sədri Dövlət Baxçeli, Türkiyə Böyük Millət Məclisində keçirilən qrup iclasında çıxış edərək Şimali Kipr Türk Respublikasının Türkiyəyə birləşdirilməsinin vacibliyini vurğulayıb. MHP lideri çıxışında bildirib ki, federasiya təklifləri artıq mənasız və keçərsizdir. “Kipr Türkündür, Türkün öz vətənidir. Federasiya nəzəriyyələrinin və təkliflərinin keçərliyi, eləcə də gələcəyi qətiyyən yoxdur.”-deyə o bildirib.