Amerika Birləşmiş Ştatları ilə İran arasında elan edilən müddətsiz atəşkəsə baxmayaraq Hörmüz boğazında strateji gərginlik yüksək həddə qalmaqda davam edir. ABŞ Prezidenti Donald Tramp özünə məxsus sosial media platforması vasitəsilə mühüm bəyanat yayaraq Amerika Hərbi Dəniz Qüvvələrinə boğazda dəniz minaları yerləşdirməyə cəhd edən hər hansı qayığın dərhal vurulub məhv edilməsi barədə əmr verdiyini açıqlayıb.

ABŞ Dövlət Departamenti İranın hava məkanının qismən açılmasından sonra Amerika vətəndaşlarına İranı tərk etməyi tövsiyə edib. "21 aprel tarixinə olan vəziyyətə görə, İranın hava məkanı qismən yenidən açılıb. ABŞ vətəndaşlarına yerli mediaya istinad edərək aktual məlumatları izləmək və İrandan reyslər barədə əlavə məlumat üçün kommersiya daşıyıcıları ilə məsləhətləşmək şərti ilə ölkəni dərhal tərk etmək tövsiyə olunur. İranı tərk etməyə çalışan amerikalılar bunu quru yolu ilə Ermənistan, Azərbaycan, Türkiyə və Türkmənistan üzərindən də həyata keçirə bilərlər”, – məlumatda bildirilir.

İranın nüvə danışıqları üzrə nümayəndəsi Məhəmməd Baqir Qalibaf ABŞ və İsrailin atəşkəs şərtlərini pozduğunu əsas gətirərək Hörmüz boğazının nəqliyyat üçün açılmasının mümkün olmadığını bəyan edib. Məlumata görə, İran İnqilab Keşikçiləri Korpusu tərəfindən boğazda iki yük gəmisinin saxlanılması vəziyyəti daha da gərginləşdirib. İran tərəfi “MSC Francesca” və “Epaminondas” adlı gəmilərin “icazəsiz fəaliyyət” göstərdiyini və naviqasiya sistemlərini dəyişərək gizli keçidə cəhd etdiyini iddia edir.

İran müharibəsi geosiyasi hesablamaları iqtisadi rəqəmlərlə görünməmiş şəkildə qarışdırıb. Hörmüz boğazının Körfəz neft ixracı üçün qapalı bir "dar boğaza" çevrilməsi və Rusiya neftinin müharibə və sanksiyalar səbəbindən çətinliklərlə üzləşməsi fonunda, boğaz məhdudiyyətlərindən azad olan İran neftinin və bol istehsalla dəstəklənən ABŞ neftinin bazarda çəkisi nəzəri olaraq artıb.

ABŞ Prezidenti Donald Trampın, 40 günə yaxın davam edən müharibəni dayandıracaq sazişin qurulması üçün müəyyən edilmiş iki həftəlik müddətin bitməsinə az qalmış, İranla atəşkəsi qeyri-müəyyən müddətə uzatdığını elan etməsindən bir gün sonra mənzərə daha da dumanlılaşır və danışıqların taleyi ilə bağlı qeyri-müəyyənlik davam edir. Son bəyanatından bir neçə saat əvvəl Tramp Amerikanın "CNBC" şəbəkəsinə atəşkəsi uzatmağa meylli olmadığını və ölkəsinin ordusunun "hərəkətə keçmək üçün həvəsli" olduğunu təsdiqləmişdi. Bu, Vaşinqton və Tehran nümayəndə heyətlərinin danışıqları bərpa etmək üçün Pakistana gedib-getməyəcəyi ilə bağlı tərəddüd və qeyri-müəyyənlik mühitində baş vermişdi.

Amerika Birləşmiş Ştatlarının Prezidenti Donald Tramp New York Post qəzetinə verdiyi geniş müsahibədə İranla davam edən diplomatik təmaslarda çox yaxın zamanda mühüm irəliləyişin qeydə alınacağını bəyan edib. Ağ Ev rəhbəri tərəflər arasındakı danışıqlarda növbəti otuz altı və ya yetmiş iki saat ərzində ciddi bir sıçrayışın baş verməsinin tamamilə mümkün olduğunu diqqətə çatdırıb.

Amerika Birləşmiş Ştatlarının Prezidenti Donald Tramp özünə məxsus Truth Social platformasında etdiyi paylaşımda İranla bağlı son qərarını açıqlayıb. Ağ Ev rəhbəri bu gün başa çatmalı olan müvəqqəti atəşkəs rejimini Pakistan tərəfinin xahişini nəzərə alaraq uzatdığını bildirib.

Ukrayna Rusiya ilə mümkün liderlər görüşünün təşkili üçün Türkiyənin vasitəçiliyinə ümid edir. Ukrayna tərəfi Moskva və Minsk şəhərlərini görüş məkanı kimi istisna edir. O vurğulayıb ki, bu iki paytaxtdan başqa hər hansı bir şəhər belə görüşə ev sahibliyi edərsə, Kiyev danışıqlarda iştirak etməyə hazırdır.

ABŞ Prezidenti Donald Tramp İranın iqtisadi vəziyyəti ilə bağlı yeni açıqlama verib. ABŞ prezidenti qeyd edib ki, İran hər gün təxminən 500 milyon dollar itirir və ölkədə maliyyə böhranı dərinləşir. Onun sözlərinə görə, ölkədə nağd vəsait çatışmazlığı yaranıb. Tramp həmçinin vurğulayıb ki, İranın hərbi və hüquq-mühafizə orqanlarının əməkdaşları maaşların ödənilməsində problemlərlə üzləşdiklərini bildirirlər

Qlobal əmtəə ticarətində onilliklər boyu siyasi neytrallığı qoruyan iri şirkətlər Donald Tramp administrasiyası dövründə Vaşinqtona daha açıq şəkildə yaxınlaşmağa başlayıb. ABŞ hökumətinin son aylarda əmtəə sazişlərinə birbaşa və fəal şəkildə qoşulması iri ticarət şirkətlərinin ənənəvi davranış modelini dəyişib. Yeni şəraitdə Ağ evlə yaxın təmas qurmaq enerji, metal və xammal bazarlarında fəaliyyət göstərən şirkətlər üçün getdikcə daha vacib amilə çevrilir.

ABŞ Prezidenti Donald Tramp sosial media hesabı vasitəsilə İranla bağlı kritik açıqlamalar verərək regionda gərginliyi yenidən artırıb. ABŞ və İran nümayəndə heyətlərinin qalıcı atəşkəs müzakirələri aparmaq üçün bu gün Pakistanın paytaxtı İslamabada səfər etməsi gözlənildiyi bir vaxtda, Tramp Tehran rəhbərliyini atəşkəs şərtlərinini dəfələrlə pozmaqda ittiham edib. Atəşkəs müddətini uzatmaq niyyətində olmadıqlarını vurğulayan ABŞ lideri, İranın başqa çıxış yolunun olmadığını və sonda çox yaxşı bir razılaşmanın əldə olunacağına inandığını bildirib. Tramp, xüsusilə "ordu hərəkətə keçməyə can atır" ifadəsini işlədərək hərbi variantın hələ də masada olduğuna işarə edib.

İrana məxsus neft tankeri Ərəb dənizi üzərindən keçərək ölkənin ərazi sularına daxil olub. İran ordusunun açıqlamasına görə, bu keçid bölgədə tətbiq edilən dəniz mühasirəsinə baxmayaraq həyata keçirilib.

ABŞ-ın İran ətrafında genişmiqyaslı hərbi mövcudluğu və paralel informasiya fəaliyyəti regionda gərginliyi yeni mərhələyə keçirir. Məlumata görə, ABŞ hərbi qüvvələrinin Ərəb dənizi, Oman körfəzi və Hörmüz boğazında aktiv fəaliyyəti müşahidə olunur. Regionda aviadaşıyıcı gəmilər, raket esminesləri, desant gəmiləri və helikopterlərdən ibarət kompleks əməliyyat sistemi qurulub. Bu hərbi mövcudluq yalnız fiziki nəzarət deyil, həm də psixoloji təsir vasitəsi kimi qiymətləndirilir.

ABŞ Prezidenti Donald Tramp özünə məxsus sosial platformada Barak Obama və Co Bayden rəhbərliyi tərəfindən qələmə alınan Birgə Hərtərəfli Fəaliyyət Planını (JCPOA) kəskin tənqid edib. Tramp həmin razılaşmanı ABŞ və Yaxın Şərq üçün "tarixin ən pis sövdələşmələrindən biri" adlandırıb və onun İranın nüvə silahına gedən yolunu açdığını iddia edib.

ABŞ Prezidenti Donald Tramp "Bloomberg" agentliyinə verdiyi telefon müsahibəsində İranla bağlı gərginliyin gələcək taleyinə toxunaraq, 7 apreldə elan olunmuş iki həftəlik müvəqqəti atəşkəsin müddətinin uzadılma ehtimalının "olduqca aşağı" olduğunu bildirib. Prezidentin sözlərinə görə, atəşkəsin müddəti Vaşinqton vaxtı ilə çərşənbə günü axşam başa çatır. O qeyd edib ki, əgər həmin vaxta qədər tərəflər arasında yekun saziş əldə olunmasa, hərbi əməliyyatların bərpası qaçılmaz ola bilər: "Pis razılaşma əldə etmək üçün tələsməyəcəyəm. Əgər saziş imzalanmasa, döyüşlərin yenidən başlamasını gözləyirəm".

Pakistan hökumət rəsmilərinin verdiyi məlumata görə, ölkənin Baş Qərargah rəisi mareşal Asım Munir ilə ABŞ Prezidenti Donald Tramp arasında telefon danışığı baş tutub. İslamabadda ABŞ və İran nümayəndə heyətləri arasında planlaşdırılan ikinci raund müzakirələr ərəfəsində keçirilən bu görüşdə əsas müzakirə mövzusu Hörmüz boğazındakı vəziyyət olub.

Pakistan rəhbərliyi ABŞ və İran arasında vasitəçilik missiyasını xilas etmək üçün son 24 saat ərzində diplomatik səylərini maksimum həddə çatdırıb. Məqsəd danışıqların planlaşdırıldığı kimi sabah, çərşənbə axşamı bərpa olunmasını təmin etməkdir. İslamabad həm Vaşinqton, həm də Tehran ilə təmaslarını intensivləşdirib. Pakistan tərəfi danışıqlar masasının dağılmaması üçün tərəflər arasında sabir diplomatiya həyata keçirir. "Reuters" agentliyi Pakistanın təhlükəsizlik mənbələrinə istinadən xəbər verir ki, Pakistan Ordu Komandanı, general Asim Münir ABŞ Prezidenti Donald Tramp ilə telefon danışığı aparıb. General Münir Trampa bildirib ki, Hörmüz boğazının mühasirədə qalması danışıqların qarşısında duran ən böyük maneədir. Mənbənin bildirdiyinə görə, Donald Tramp bu məsələyə yenidən baxacağına dair vəd verib.

ABŞ-ın İran bayraqlı yük gəmisinə müdaxiləsindən sonra İranın ABŞ-a məxsus bəzi hərbi gəmilərə pilotsuz uçuş aparatları ilə hücum etdiyi bildirilir. Qeyd olunub ki, hadisə ABŞ-ın İranın “Touska” adlı yük gəmisinə atəş açaraq müdaxilə etməsindən sonra baş verib. Bildirilib ki, ABŞ Prezidenti Donald Tramp daha əvvəl həmin gəminin dayandırılması üçün hərbi müdaxilə edildiyini açıqlayıb.

ABŞ Prezidenti Donald Tramp Oman körfəzində İran bayrağı altında üzən iri yük gəmisinə qarşı hərbi əməliyyat həyata keçirildiyini açıqlayıb. ABŞ Hərbi Dəniz Qüvvələrinə məxsus “USS Spruance” esminesi “Toska” adlı gəmini saxlayaraq nəzarətə götürüb.

ABŞ prezidenti Donald Tramp ilə Vatikan rəhbəri Papa XIV Leo arasında gərginlik son aylarda açıq siyasi qarşıdurma mərhələsinə keçib. Bu gərginlik təkcə fərdi fikir ayrılığı deyil, Qərb dünyasında siyasi hakimiyyətlə dini-əxlaqi nüfuz arasında dərin struktur mübahisənin yeni mərhələsi kimi qiymətləndirilir.

ABŞ prezidenti Donald Tramp "Fox News" telekanalına verdiyi müsahibədə rəsmi Tehrana qarşı ən sərt hədələrindən birini səsləndirib. Tramp bildirib ki, əgər İran tərəfi təklif olunan sazişi imzalamasa, ölkə tamamilə məhv ediləcək.

ABŞ prezidenti Donald Trump ilə ölkənin hərbi elitası arasında gərginlik yeni mərhələyə keçərək orduda genişmiqyaslı kadr dəyişikliklərinə səbəb olub. Bu proses artıq təkcə idarəetmə məsələsi deyil, siyasi hakimiyyətlə peşəkar hərbi düşüncə arasında dərin fikir ayrılığının göstəricisi kimi qiymətləndirilir.

İran bizə şantaj edə bilməz. Onlar boğazı yenidən bağlamaq cəhd etdilər. Bu sözləri Amerika Birləşmiş Ştatlarının Prezidenti Donald Tramp bildirib. O, Tehran rəhbərliyinin hərəkətlərini "şantaj" cəhdi kimi qiymətləndirib. ABŞ lideri İranın Hörmüz boğazını yenidən bağlamaq cəhdi ilə bağlı bu bəyanatı rəsmi sosial media hesabı vasitəsilə paylaşıb.

İran Xarici İşlər nazirinin müavini bölgədəki hərbi-siyasi vəziyyət və Vaşinqtonla aparılan danışıqlar barədə geniş bəyanatla çıxış edərək, ABŞ-ın diplomatik səylərə xələl gətirdiyini bildirib. Nazir müavini Hörmüz boğazında naviqasiyanın asanlaşdırılmasına hazır olduqlarını, lakin Amerika tərəfinin ziddiyyətli mövqe nümayiş etdirdiyini vurğulayıb.